«Էրազմուս+» միջազգային կրեդիտային շարժունություն․ Մարտին Լյութերի անվան Հալլե Վիտտենբերգի համալսարան, Գերմանիա

«Էրազմուս+» միջազգային կրեդիտային շարժունության գործողության շրջանակում ԵՊՀ-ի և Մարտին Լյութերի անվան Հալլե Վիտտենբերգի համալսարանի (Գերմանիա) միջև կնքված պայմանագրով նախատեսվում է շարժունություն Աստվածաբանության ֆակուլտետի պրոֆեսորադասախոսական հիմնական կազմի համար` 2026/2027 ուսումնական տարվա 2-րդ կիսամյակում առնվազն 8 ժամ դասախոսություն կարդալու նպատակով:

Անգլերենի առնվազն B2/C1 մակարդակի իմացությունը պարտադիր է:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության  կայքէջում:

Ծրագրի դիմումներն ընդունվում են ԵՊՀ միջազգային կապերի բաժնի lia_evoyan@ysu.am էլհասցեով:

Դիմումների ընդունման վերջնաժամկետն է ս.թ. մայիսի 8-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը պրոֆեսորադասախոսական կազմի համար (փաստաթղթերն ընդունվում են միայն անգլերեն, PDF տարբերակով)՝

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3.  շարժունության համաձայնագիր դասավանդման նպատակով (Staff Mobility Agreement for Teaching) (թեմա, նկարագիր, շարժունության նպատակներ, ակնկալվող գործողություններ և այլն),

4. տեղեկանք՝ ԵՊՀ-ում աշխատելու վերաբերյալ,  

5. հրավեր Հալլե Վիտտենբերգի համալսարանի պրոֆեսորի կողմից։