Միջբուհական համագործակցություն․ Գրայֆսվալդի համալսարան, Գերմանիա

Միջբուհական համագործակցության շրջանակում ԵՊՀ-ի և Գրայֆսվալդի համալսարանի (Գերմանիա) միջև կնքված պայմանագրով նախատեսվում է շարժունություն Կենսաբանության, Եվրոպական լեզուների և հաղորդակցության, միջազգային հարաբերությունների ֆակուլտետների պրոֆեսորադասախոսական հիմնական կազմի համար` 2026/2027 ուսումնական տարվա 1-ին կիսամյակում առնվազն 8 ժամ դասախոսություն կարդալու/հետազոտական աշխատանք կատարելու նպատակով:

Անգլերենի առնվազն B2/C1 մակարդակի իմացությունը պարտադիր է:

Ծրագիրը տրամադրում է 89 եվրո օրական օրապահիկ (5 օրվա համար) և 825 եվրո ճանապարհածախս:

Ծրագրի դիմումներն ընդունվում են ԵՊՀ միջազգային կապերի բաժնի lia_evoyan@ysu.am էլհասցեով:

Դիմումների ընդունման վերջնաժամկետն է ս.թ. մայիսի 8-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը պրոֆեսորադասախոսական կազմի համար (փաստաթղթերն ընդունվում են միայն անգլերեն, PDF տարբերակով)՝

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3. դասախոսության/հետազոտական աշխատանքի թեմա, նկարագիր, նպատակներ, ակնկալվող գործողություններ և այլն,

4. տեղեկանք՝ ԵՊՀ-ում աշխատելու վերաբերյալ,  

5. հրավեր Գրայֆսվալդի համալսարանի պրոֆեսորի կողմից։