«Էրազմուս+» ծրագրի միջազգային կրեդիտային շարժունություն․ Գեներալ Միխայիլո Ապոստոլսկու անվան ռազմական ակադեմիա, Հյուսիսային Մակեդոնիա

«Էրազմուս+» միջազգային կրեդիտային շարժունության գործողության շրջանակում ԵՊՀ-ի և Գեներալ Միխայիլո Ապոստոլսկու անվան ռազմական ակադեմիայի (Հյուսիսային Մակեդոնիա) միջև կնքված պայմանագրով նախատեսվում է շարժունություն Ֆիզիկայի ինստիտուտի պրոֆեսորադասախոսական հիմնական կազմի համար` ս.թ. հունիսի 22-26-ը վերապատրաստման մասնակցելու նպատակով:

Անգլերենի առնվազն B2 մակարդակի իմացությունը պարտադիր է: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնի lia_evoyan@ysu.am էլհասցեով:

Դիմումների ընդունման վերջնաժամկետն է ս.թ. մայիսի 15-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը պրոֆեսորադասախոսական կազմի համար (փաստաթղթերն ընդունվում են միայն անգլերեն, PDF տարբերակով)՝

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3. շարժունության համաձայնագիր դասավանդման նպատակով (Staff Mobility Agreement for Training) (թեմա, նկարագիր, շարժունության նպատակներ, ակնկալվող գործողություններ և այլն),

4. տեղեկանք՝ ԵՊՀ-ում աշխատելու վերաբերյալ,  

5. հրավեր Գեներալ Միխայիլո Ապոստոլսկու անվան ռազմական ակադեմիայի պրոֆեսորական կազմի կողմից։