ԵՊՀ եվրոպական ուսումնասիրությունների կենտրոնի տնօրենի մրցութային ընտրություն անցկացնելու մասին

Հիմք ընդունելով ԵՊՀ ռեկտորի՝ 2026 թ. հունիսի 18-ի թիվ 113/3-Լ հրամանը՝ ԵՊՀ եվրոպական ուսումնասիրությունների կենտրոնի տնօրենի թափուր պաշտոնի համալրման նպա­տակով «Երևանի պետական համալսարան» հիմ­նադրամը հայտարարում է մրցույթ:

Պաշտոնի հավակնորդը պետք է ունենա կառուցվածքային տվյալ ստորաբաժանման (կենտրոնի) ուղղությանը համա­պա­տասխանող գիտական աuտիճան ու կոչում («ԵՊՀ կառուցվածքային ստորա­բա­ժանման ղեկավարի ընտրության ընթացակարգի» 4-րդ կետ):  

Կենտրոնի տնօրենն ընտրվելու է ԵՊՀ գիտական խորհրդում փակ, գաղտնի քվեար­կությամբ 5 տարի ժամկետով։ Նույն անձը չի կարող երկու անգամից ավելի անընդմեջ ընտրվել կառուց­ված­քային ստո­րա­բաժանման ղեկավարի պաշտոնում («ԵՊՀ կառուցվածքային ստորաբաժանման ղեկավարի ընտրության ընթացակարգի» 5-րդ կետ):   

Ընտրությունը տեղի կունենա ԵՊՀ գիտական խորհրդի արտահերթ նիստում 2026 թ. օգոստոսի 25-ին՝ ժամը 13.30-ին:

Կենտրոնի տնօրենի պաշտոնի հավակնորդը ԵՊՀ գիտա­կան խորհրդի քարտու­ղարին պետք է ներկայացնի հետևյալ փաստաթղթերը՝

1) դիմում՝ ռեկտորի անունով,

2) ինքնակենսագրություն (CV),

3) բարձրագույն կրթության վկայականի (դիպլոմի), գիտական աստիճանի դիպ­լոմի, գիտա­կան կոչման վկայականի պատճենները, 

4) հրատարակված գիտական աշխատությունների և/կամ գյուտերի ցանկը, 

5) ստորաբաժանման զարգացման հայեցակարգը,

6) հավակնորդի նախաձեռնությամբ այլ փաստաթղթեր, 

(«ԵՊՀ կառուցվածքային ստորաբաժանման ղեկավարի ընտրության ընթացա­կարգի» 6-րդ կետ):

Դիմումների ու կից փաստաթղթերի ներկայացման վերջնաժամկետն է 2026 թ. հուլիսի 3-ը (ներառյալ):

«ԵՊՀ կառուցվածքային ստորաբաժանման ղեկավարի ընտրության ընթա­ցա­կար­գին» կարող եք ծանոթանալ հետևյալ հղումով՝ http://documentation.ysu.am/wp-content/uploads/2023/03/Subdivision.pdf:

Մանրամասն տեղեկատվություն ստանալու համար դիմել ԵՊՀ գիտական քարտուղար Մերի Հովհաննիսյանին:

Հեռ.՝ (060) 710 104, (010) 551 824, ներքին հեռ.՝ 11-04:

«ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆ» ՀԻՄՆԱԴՐԱՄ

18.06.2026 թ.