Երևանի պետական համալսարանը հայտարարում է սուրճի և խանութ մեքենաների տեղադրման նպատակով տարածքների վարձակալության մրցույթ։
Սարքերը նախատեսվում է տեղադրել Ալեք Մանուկյան 1 հասցեում գտնվող հետևյալ վայրերում՝
ԵՊՀ ՍԹԵՄ ավագ դպրոցում,
ԵՊՀ Սարգիս և Մարի Իզմիրլյանների անվան գրադարանի առաջին հարկում,
ԵՊՀ 4-րդ մասնաշենքում (Սոցիոլոգիայի և ԻԿՄ ֆակուլտետներ)։
Յուրաքանչյուր վայրում նախատեսվում է տեղադրել մեկական սուրճի մեքենա և խանութ մեքենա։
Յուրաքանչյուր խանութ մեքենայի համար ամսական վարձավճարի նվազագույն չափը կազմում է 109 000 դրամ, իսկ յուրաքանչյուր սուրճի մեքենայի համար՝ 79 000 դրամ։
Մասնակիցները պետք է յուրաքանչյուր մեքենայի համար ներկայացնեն առանձին գնային առաջարկ։
Հայտերը կարող են ներկայացվել՝
էլեկտրոնային եղանակով՝ info@ysu.am հասցեին,
թղթային տարբերակով՝ ԵՊՀ ռեկտորի աշխատակազմի ղեկավարի աշխատասենյակ (կենտրոնական մասնաշենք, 5-րդ հարկ)։
Հայտերի ներկայացման վերջնաժամկետը 2026 թվականի հուլիսի 17-ն է։
Մրցույթի հաղթող կճանաչվի այն մասնակիցը, որը յուրաքանչյուր մեքենայի համար սահմանված նվազագույն վարձավճարի համեմատ կառաջարկի առավել բարձր ամսական վարձավճար։
