Երևանի պետական համալսարանի մաթեմատիկայի և մեխանիկայի ֆակուլտետի նախաձեռնությամբ ս․թ․ հուլիսի 12–19 կանցկացվի «Վիճակագրություն և ուսուցման տեսություն-2026» ամառային դպրոցը, որը նախատեսված է բակալավրիատի ավարտական կուրսի և մագիստրատուրայի ուսանողների, ասպիրանտների, հետազոտողների, ինչպես նաև այն մասնագետների համար, ովքեր հետաքրքրված են վիճակագրությամբ, մեքենայական ուսուցմամբ և դրանց կիրառություններով։ 

Դասախոսությունները կանցկացվեն անգլերենով։

Մասնակցության վճարը կազմում է 450 եվրո ակադեմիական համայնքի ներկայացուցիչների համար և 600 եվրո՝ մասնագիտական ոլորտի մասնակիցների համար։ Վճարը ներառում է բոլոր ներերկրյա ծախսերը, այդ թվում՝ գրանցման վճարը, կացարանը և սնունդը։ Հայկական բուհերի բակալավրիատի, մագիստրատուրայի ուսանողների և ասպիրանտների համար գործում է հատուկ զեղչված մասնակցության վճար՝ 250 եվրո։ Ակադեմիական համայնքի համար նախատեսված են նաև կրթաթոշակներ, որոնք կծածկեն (ամբողջությամբ կամ մասամբ) մասնակցության վճարները։ Կրթաթոշակին դիմելու մանրամասներին հնարավոր է ծանոթանալ այստեղ։ 

Մասնակիցների թիվը խիստ սահմանափակ է, ուստի գրանցված մասնակիցների համար կիրականացվի ընտրական գործընթաց։ Վճարումը պետք է կատարվի միայն մասնակցության հաստատում ստանալուց հետո՝ հաստատման նամակում նշված հաշվին։

Գրանցման վերջնաժամկետ՝ ս․թ․ հունիսի 1։ Գրանցման թերթիկը՝ այստեղ։

Ժամանման օր՝ ս․թ․ հուլիսի 12, մեկնելու օր՝ ս․թ․ հուլիսի 19։

Հավելյալ տեղեկություններ կոնտակտային անձանց մասին հնարավոր է գտնել այստեղ։