1.ԸՆԴՀԱՆՈՒՐ ԴՐՈՒՅԹՆԵՐ

1. Մարքեթինգի բաժինը (այսուհետ՝ բաժին) «Երևանի պետական համալսարան» հիմնադրամի (այսուհետ՝ ԵՊՀ) կառուցվածքային ստորաբաժանում է։

2. Բաժինն իր գործունեության ընթացքում ղեկավարվում է ՀՀ օրենսդրությամբ, ԵՊՀ կանոնադրությամբ, սույն կանոնադրությամբ ու բաժնի լիազորություններին առնչվող իրա­վական այլ ակտերով։

3. Բաժնի հաստիքացուցակը հաստատվում է ԵՊՀ հոգաբարձուների խորհրդի կողմից ռեկտորի ներկայացմամբ։

4. Բաժինը սահմանված կարգով կարող է ունենալ պաշտոնաթուղթ (բլանկ) ու ան­հա­տականացման այլ միջոցներ:

2. ԲԱԺՆԻ ԽՆԴԻՐՆԵՐԸ

5. Բաժնի  խնդիրներն են ՝

1) ձևակերպել և շահառու խմբերին ներկայացնել ԵՊՀ կրթական ու գիտահետա­զոտա­կան ծառայություններն ու արդյունքները, 

2) հաղորդակցական նյութերի տարածման ու զանգվածային լրատվամիջոցների հետ համագործակցության միջոցով ապահովել ԵՊՀ հանրային դիրքի շարունակական բարե­լավումը, ԵՊՀ բրենդի զարգացումն ու առաջխաղացումը, սոցիալական ցանցերի հարթակ­ներում ԵՊՀ տեսանելիության ապահովումը,

3) մշտադիտարկել կրթական ծառայությունների շուկան և ստացված տվյալների հիման վրա ԵՊՀ այլ ստորաբաժանումների հետ համատեղ մշակել ու իրականացնել ծառա­յութ­յունների առևտրայնացման պլանը, դրա հիման վրա կազմակերպել ԵՊՀ կրթական ու գի­տա­հետազոտական ծրագրերի առևտրայնացումը,

4) կատարել կրթության ու ԵՊՀ-ի վերաբերյալ հանրային ընկալումների ուսումնա­սիրություն, անհրաժեշտության դեպքում դրա արդյունքների հաշվառմամբ կազմակերպել ասուլիսներ, հաղորդաշարեր ու ճեպազրույցներ,

5) աջակցել ԵՊՀ համապատասխան ստորաբաժանումների միջև արդյունավետ հա­ղորդակցության կազմակերպմանը:

3. ԲԱԺՆԻ ԿԱՌԱՎԱՐՈՒՄԸ

6.   Բաժինը ղեկավարում է բաժնի վարիչ-ծառայությունների առևտրայնացման պա­տասխանատուն, որին պաշտոնի նշանակում ու պաշտոնից ազատում  է ԵՊՀ ռեկտորը:

7. Բաժնի վարիչ-ծառայությունների առևտրայնացման պատասխանատուն՝

1) կազմակերպում ու վերահսկում է բաժնի ընթացիկ (ամենօրյա) գործունեությունը, բաժնում վարվող գրագրությունն ու ներքին գործավարությունը,

2) ապահովում է բաժնի գործառույթների պատշաճ իրականացումը, լուծում դրանց իրագործման ընթացքում ծագած խնդիրները, բաժնի աշխատողներին տալիս է համապա­տասխան ցուցումներ ու հանձնարարականներ, որոնք ենթակա են պարտադիր կատարման,

3) բաժնի աշխատողների միջև կատարում է աշխատանքային գործառույթների բաշ­խում,

4) ստորագրում է բաժնի կողմից պատրաստվող փաստաթղթերը, բաժնի գործա­ռույթ­ների շրջանակում նախապատրաստում է զեկուցագրեր, տեղեկանքներ, վճարովի կրթական ծրագրերի նախահաշիվներ, պայմանագրերի նախագծեր, հաշվետվություններ, առաջար­կութ­յուններ, մասնագիտական եզրակացություններ և այլ փաստաթղթեր,

5) սահմանված կարգով մասնակցում է ԵՊՀ ռեկտորատի նիստերին, ԵՊՀ ռեկտորի կողմից հրավիրված խորհրդակցություններին, ԵՊՀ մշտական ու ժամանակավոր հանձնա­ժողովների աշխատանքներին, անհրաժեշտության դեպքում քննարկվող հարցերի վերա­բերյալ ներկայացնում է մասնագիտական կարծիքներ ու եզրակա­ցություններ, 

6) սահմանված կարգով բաժնի անունից հանդես է գալիս պետական մարմիններում ու այլ կազմակերպություններում, համագործակցում է ֆակուլտետների, ամբիոնների և այլ կառուցվածքային ստորաբաժանումների հետ,

7) ԵՊՀ ռեկտորին առաջարկություն է ներկայացնում բաժնի աշխատողներին սահման­ված կարգով խրախուսելու, կարգապահական տույժի ենթարկելու, վերապատրաստելու, ատեստավորելու կամ նրանց պաշտոնեական առաջխաղացման վերաբերյալ,

8) առաջարկություն է ներկայացնում իր բացակայության ժամանակ իրեն փոխարինող նշանակելու վերաբերյալ,

9) իրականացնում է բաժնի գործունեությանն առնչվող, ՀՀ գործող օրենսդրությանն ու ԵՊՀ կանոնադրությանը չհակասող այլ գործառույթներ:

8. Բաժնի աշխատողների աշխատանքային պարտականությունները սահմանվում են աշխատանքային պայմանագրով, պաշտոնի անձնագրով (աշխատանքային նկարագրով), ԵՊՀ ներքին իրավական ակտերով ու բաժնի վարիչի հանձնարարականներով։ 

9. Աշխատանքային պարտականությունների կատարման արդյունքում ԵՊՀ-ին գույ­քային (նյութական) վնաս պատճառելու դեպքում աշխատողները կրում են գույքային ու անձնական լիակատար պատասխանատվություն։

10. Բաժնի աշխատողներն ունեն օրենքով, ԵՊՀ կանոնադրությամբ, սույն կանոնադ­րութ­­յամբ, իրավական այլ ակտերով, ԵՊՀ կոլեկտիվ պայմանագրով նախատեսված իրա­վունք­ներ (սոցիալական երաշխիքներ) և կրում են այդ ակտերով նախատեսված պարտա­կանություններ (սահմանափակումներ):

4. ԵԶՐԱՓԱԿԻՉ ԴՐՈՒՅԹՆԵՐ

11.  Բաժնի վերակազմակերպումը կամ լուծարումն իրականացվում է ԵՊՀ կանո­նադ­րությամբ ու ներքին իրավական ակտերով սահմանված կարգով։

12.   Սույն կանոնակարգում փոփոխություններն ու լրացումները կատարվում են ԵՊՀ գիտական խորհրդի կողմից ԵՊՀ կանոնադրությամբ ու ներքին իրավական ակտերով սահմանված կարգով։

13. Սույն կանոնակարգը հրապարակվում է ԵՊՀ պաշտոնական կայքում: