"Armenia plays a major role in the region": Estonian foreign minister lectures at YSU

Yerevan State University recently hosted Estonian Minister of Foreign Affairs Margus Tsahkna, who delivered a comprehensive lecture on Estonia's experience in state-building, security challenges, and the successful digital transformation of public services. During the meeting with students, the minister underscored the importance of opening Estonia's first embassy in Yerevan, noting that the move is intended to further deepen diplomatic relations and serves as a testament to Estonia's support for the Armenian people's free and sovereign choice. "Historically, and today, Armenia plays a major role in the region," he said.

ԵՊՀ ռեկտոր Հովհաննես Հովհաննիսյանը, ողջունելով հյուրին, ընդգծեց, որ համալսարանի համար ավանդույթ է բարձրաստիճան դիվանագետների հյուրընկալելը, ինչը հնարավորություն է տալիս ուսանողներին «առաջին ձեռքից» տեղեկություն ստանալու արտաքին քաղաքականության մասին։

«Այսօր Հայաստանն առաջ է շարժվում վիզաների ազատականացման գործընթացում և ձգտում է հնարավորինս մոտ լինելու Եվրոպական միությանը: Էստոնիան ԵՄ երկրներից մեկն է, հետևաբար նրա վերափոխումները բավականին հետաքրքիր կլինեն մեր ուսանողների համար»,- ասաց ԵՊՀ ռեկտորը:

Նա հիշատակեց կրթության ոլորտում Էստոնիայի հետ պատմական կապը, մասնավորապես՝ հայ ականավոր գրող Խաչատուր Աբովյանի ուղին դեպի Տարտուի համալսարան՝ նշելով, որ այսօր էլ ԵՊՀ-ն համագործակցում է Տարտուի համալսարանի հետ՝ գիտակրթական ոլորտում գործակցային կապերը է՛լ ավելի խորացնելու նպատակով:

ՀՀ ԿԳՄՍ նախարարի տեղակալ Արթուր Մարտիրոսյանը, բարձր գնահատելով Էստոնիայի հետ ձևավորված հարաբերությունները, կարևորեց Մարգուս Ցահքնայի՝ Հայաստանին Եվրոպական միությանը մոտեցնելու ջանքերը:

«Փոքր երկրները պետք է սովորեն պահպանել իրենց տեղն այս անկայուն աշխարհում: Մեր երկու երկրները փոքր են, բայց ունեն շատ ուժեղ ինքնություն և այդ ինքնությունը պահպանելու երկար պատմություն: Մենք պետք է սովորենք միմյանցից, թե ինչպես մեզ նման փոքր երկրները կարող են նպաստել խաղաղությանը և պահպանել իրենց սեփական տեղը աշխարհում այս անկայուն ժամանակներում»,- նշեց Արթուր Մարտիրոսյանը:

Փոխնախարարը նաև ընդգծեց, որ Էստոնիան թվային փոխակերպումների ոլորտում առաջատար պետություն է, և Հայաստանը դիտարկում ու ադապտացնում է այդ փորձը տարբեր ծրագրերի միջոցով:

Էստոնիայի արտգործնախարար Մարգուս Ցահքնան, անդրադառնալով փոքր պետություններին, ընդգծեց. «Էստոնիան ունի 1,3 միլիոն բնակչություն, բայց այսօրվա աշխարհում վճռորոշը ոգին է: Իսկ մեր ոգիները ազատության, մեր արմատների և պատմության հարցերում շատ նման են»:

Նախարարը հանգամանալից անդրադարձավ Էստոնիայի պատմությանը, ինչպես նաև սխալներից քաղած դասերին, որոնք հիմք են դարձել իրենց ներկայիս անվտանգային քաղաքականության համար:

Ցահքնայի խոսքով՝ հենց ԵՄ-ին և ՆԱՏՕ-ին անդամակցությունն է Էստոնիայի անվտանգության երաշխիքը:

Ներկայացնելով Էստոնիայի հաջողված քաղաքականության պատմությունը՝ Ցահքնան շեշտեց, որ աղքատ լինելով բնական պաշարներով՝ իրենք ներդրում են արել մտավոր ներուժի և տեխնոլոգիաների մեջ:

«Այսօր մեր հանրային ծառայությունների 100%-ը թվայնացված է: Սա ոչ միայն հարմարավետություն է, այլև թափանցիկություն: Դրա շնորհիվ կոռուպցիայի դեմ պայքարում հասել ենք զգալի հաջողության»,- մատնանշեց նա՝ ընդգծելով, որ Էստոնիայում միակ ծառայությունը, որի համար պետք է ֆիզիկապես ներկայանալ պետական կառույց, ամուսնությունն է:

Խոսելով արհեստական բանականության կիրառման մասին՝ նախարարը նշեց, որ Էստոնիայի համալսարաններում և ավագ դպրոցներում պիլոտային ծրագրեր են իրականացվում կրթական գործընթացներում ԱԲ-ն արդյունավետ օգտագործելու համար:

«Մենք չենք կարող պայքարել նորարարության և տեխնոլոգիական զարգացման դեմ, բայց պետք է սովորենք, թե ինչպես օգտագործել դրանք: Այժմ ողջ կառավարությունն աշխատում է ԱԲ լուծումների և հանրային ծառայությունների թվայնացման ուղղությամբ, որպեսզի ծառայությունները գան ձեզ մոտ՝ հիմնվելով ձեր եկամուտների, սոցիալական ծագման, բժշկական տվյալների, ընտանեկան դրության և այլ տեղեկությունների վրա»,- ասաց նա:

Նախարարի խոսքով՝ Էստոնիան աշխարհում եզակի համակարգ ունի. կարող է նախագծել անհատականացված ծառայություններ, որոնք անհրաժեշտ են կոնկրետ քաղաքացուն: Մարդը պարզապես կարող է համաձայնել․ ոչ թե դիմել, այլ հաստատել իր համաձայնությունը:

Ուսանողների հետ հարցուպատասխանի ժամանակ Մարգուս Ցահքնան նշեց, որ Էստոնիան պետականության կառուցման ու զարգացման ճանապարհին, բնականաբար, գործել է սխալներ, որոնց մասին պատրաստ է պատմելու և խորհուրդ տալու, որպեսզի այդօրինակ սխալները կրկնելի չլինեն: Սակայն, միևնույն ժամանակ, նա ուսանողներին հորդորեց չվախենալ սխալվելուց:

«Սխալվելու վախի պատճառով մարդիկ կորցնում են նորարարական մտածելակերպը։ Ամենավատն այն է, երբ սխալվելու վախից ոչինչ չես անում։ Ուստի գործե՛ք, նույնիսկ եթե սխալներ թույլ տաք, սովորե՛ք դրանցից և առա՛ջ շարժվեք»,- իր խոսքը եզրափակեց Էստոնիայի արտաքին գործերի նախարար Մարգուս Ցահքնան: