Հայագիտությունը Սոֆիայում. ԵՊՀ գիտնականները՝ միջազգային գիտական երկխոսության հարթակում Հայագիտությունը միայն Հայաստանի սահմաններում զարգացող գիտական ուղղություն չէ։ Այն շարունակում է համախմբել տարբեր երկրների հետազոտողներին, ստեղծել համագործակցության նոր հարթակներ և նպաստել հայոց լեզվի, մշակույթի և պատմության ուսումնասիրությանը նաև արտերկրի ակադեմիական կենտրոններում։ Այս նպատակին էր ծառայում Սոֆիայի Սուրբ Կլիմենտ Օխրիդսկու անվան համալսարանում (Բուլղարիա) անցկացված «Հայաստան՝ դարերի և աշխարհների խաչմերուկ» խորագրով միջազգային գիտաժողովը, որին մասնակցել են նաև ԵՊՀ հայ բանասիրության ֆակուլտետի ներկայացուցիչները:
Մաթեմատիկական միջազգային ուսանողական օլիմպիադայում հայաստանյան թիմի հաջողությունը. ԵՊՀ ուսանողները՝ ոսկե, արծաթե և բրոնզե մեդալակիրներ Բուլղարիայում անցկացված Մաթեմատիկական միջազգային ուսանողական օլիմպիադայում (International Mathematics Competition – IMC) Հայաստանի հավաքականը նվաճել է 1 ոսկե, 2 արծաթե և 1 բրոնզե մեդալ, ինչպես նաև 1 գովասանագիր։ Թիմի անդամների մեծ մասը ԵՊՀ ուսանողներ էին, որոնք միջազգային հեղինակավոր մրցույթում ևս մեկ անգամ հաստատեցին համալսարանում մաթեմատիկական կրթության և օլիմպիական պատրաստվածության բարձր մակարդակը։
ԵՊՀ մագիստրանտ Էդվարդ Գրիգորյանն արժանացել է «SPIE»-ի 2026 թվականի միջազգային կրթաթոշակին ԵՊՀ ֆիզիկայի ինստիտուտի մագիստրանտ Էդվարդ Գրիգորյանը օպտիկայի և ֆոտոնիկայի ոլորտում իր գիտական ձեռքբերումների և մասնագիտական ակտիվության համար արժանացել է «SPIE»-ի («The International Society for Optics and Photonics») 2026 թվականի կրթաթոշակին։ Այն շնորհվում է աշխարհի տարբեր երկրների այն ուսանողներին, որոնք աչքի են ընկնում օպտիկայի, ֆոտոնիկայի և հարակից ոլորտներում իրենց ձեռքբերումներով ու հետագա զարգացման ներուժով։
Գրականությունից մինչև արհեստական բանականություն․ համալսարանականները քննարկել են հումանիտար գիտությունների նոր մոտեցումները ԵՊՀ Ծաղկաձորի «Համալսարան» ուսումնաարտադրական բազայում տեղի է ունեցել «Գրականություն և բանահյուսություն. միջգիտակարգային մոտեցումներ և թվային տեխնոլոգիաներ» խորագրով ամառային դպրոցը։ Ծրագրի շրջանակում ոլորտի առաջատար մասնագետներն անդրադարձել են գրականության, բանահյուսության և հարակից ոլորտների հետազոտությունների միջգիտակարգային մոտեցումներին, ինչպես նաև հումանիտար գիտություններում արհեստական բանականության և թվային գործիքների կիրառման հնարավորություններին։
ԵՊՀ-ն՝ նորարարության և ձեռնարկատիրության ձևավորման հարթակ. մարտահրավերներ և զարգացման հեռանկարներ Ինչպե՞ս կարող է համալսարանը լինել ոչ միայն գիտելիք փոխանցող, այլև նորարարության, ձեռնարկատիրության և տեխնոլոգիական առաջնորդության ձևավորման կենտրոն։ Ինչի՞ շնորհիվ է Հայաստանն այսօր հաջողություններ գրանցում տեխնոլոգիական ոլորտում, և ինչպիսի՞ փոփոխություններ են անհրաժեշտ դրանք համակարգային դարձնելու համար։ Այս և այլ հարցերի շուրջ ԵՊՀ շրջանավարտների ֆորումի ժամանակ կայացած պանելային քննարկման ընթացքում իրենց տեսակետներն ու փորձառությունը ներկայացրին Հայաստանի նորարարական էկոհամակարգի զարգացման գործում ներդրում ունեցող մի շարք մասնագետներ։
«ԱԲ-ն չի փոխարինում խոր գիտելիքին, բայց կարող է բազմապատկել ձեր արդյունավետությունը»․ ԵՊՀ շրջանավարտ Գագիկ Ամիրխանյան ԵՊՀ մաթեմատիկայի և մեխանիկայի ֆակուլտետի շրջանավարտ Գագիկ Ամիրխանյանի ուղին լավագույն օրինակն է այն բանի, թե ինչպես է հիմնարար գիտությունը դառնում ժամանակակից տեխնոլոգիաների շարժիչ ուժը։ Գագիկը, աշխատելով արհեստական բանականության (ԱԲ) առաջատար համակարգերի ստեղծման վրա, շարունակում է սերտ կապ պահպանել համալսարանի հետ։ Նշենք, որ նա ԵՊՀ շրջանավարտների ֆորումի ժամանակ արժանացել է ԵՊՀ շրջանավարտների գերազանցության մրցանակի՝ համալսարանական համայնքին շարունակական աջակցության և կրթության զարգացմանը նպաստելու համար:
Բացառիկ բացահայտումներ արխիվային նորահայտ էջերից. ավանդույթի և նորարարության հետքերով Հայաստանի ազգային արխիվում կատարված ուսումնասիրությունների արդյունքում բացահայտվել են նոր փաստաթղթեր, որոնք նոր լույս են սփռում Երևանի պետական համալսարանի գրադարանի մեկդարյա պատմության վրա։ ԵՊՀ Սարգիս և Մարի Իզմիրլյանների անվան գրադարանը նախաձեռնել է մի բացառիկ աշխատանք, որը նպատակ ունի վեր հանելու ոչ միայն վիճակագրական տվյալներ, թվեր ու փաստեր, այլև գրադարանի մեկդարյա պատմության թաքնված շերտերը՝ մարդկային պատմություններով ու արժեքներով։ Գրադարանի տնօրեն Ավետիք Մեջլումյանի մտահղացմամբ և համալսարանի ղեկավարության աջակցությամբ Հայաստանի ազգային արխիվում կատարված ուսումնասիրությունները նպատակ ունեն վերջնարդյունքում ստեղծելու մշտական գործող ցուցասրահ, որտեղ կներկայացվի գրադարանի անցած ուղին։
Մեկ ուսումնական տարի ԵՊՀ-ում. հիշողություններ՝ ամբողջ կյանքի համար «Հայաստանում հոգին զգում է ազատություն, ուժ և ընդունված լինելու զգացում. այնպիսին, ինչպիսին դու կաս»,- ասում է Եկատերինա Ռոդիոնովան մեկ նախադասությամբ Հայաստանը նկարագրելիս։ Թերևս հենց այս միտքն է լավագույնս ամփոփում այն ճանապարհը, որը նա անցել է ակադեմիական շարժունության ծրագրի շրջանակում ԵՊՀ-ում սովորելու ընթացքում։ Ռուսաստանից ժամանած ուսանողը Հայաստան է եկել գիտելիքներ ձեռք բերելու նպատակով, սակայն այստեղ գտել է շատ ավելին՝ նոր ընկերներ, նոր վստահություն սեփական ուժերի նկատմամբ և մի երկիր, որտեղ փոխվել են իր նախնական պատկերացումները։
Հայաստանի արտաքին քաղաքականությունը և ռազմավարական հաղորդակցությունը՝ ամառային դպրոցի օրակարգում Աղվերանում անցկացվեց «Հայաստանի արտաքին քաղաքականություն և ռազմավարական հաղորդակցություն» խորագրով եռօրյա ամառային դպրոցը՝ միավորելով ավելի քան 50 ուսանողների և երիտասարդ հետազոտողների ՀՀ տարբեր համալսարաններից ու գիտահետազոտական ինստիտուտներից: Եռօրյա ծրագիրը միտված էր բուհական և գիտահետազոտական կառույցների միջև համագործակցության ամրապնդմանը, ինչպես նաև երիտասարդ մասնագետների գիտելիքների ու վերլուծական հմտությունների զարգացմանը արտաքին քաղաքականության, տարածաշրջանային անվտանգության և ռազմավարական հաղորդակցության ոլորտներում։
ԵՊՀ ֆիզիկայի ինստիտուտի ուսանողների գիտական փորձառությունը Բրյուսելում Հինգ ամիս աշխատանք եվրոպական գիտական լաբորատորիայում, սեփական հետազոտության կատարում և համագործակցություն արտերկրի հեղինակավոր մասնագետների հետ. այսպիսի փորձառությամբ են ԵՊՀ վերադարձել Ֆիզիկայի ինստիտուտի մի խումբ ուսանողներ, որոնք «Էրազմուս+» ծրագրի շրջանակում ուսանել են Բրյուսելի ազատ համալսարանում:
