«Ինչպե՞ս կառուցել հաջող կարիերա» թեմայով հանդիպում ԵՊՀ-ում

Ս.թ. ապրիլի 23-ին՝ ժամը 14:30-16:00-ն, ԵՊՀ Սարգիս և Մարի Իզմիրլյանների անվան գրադարանի ընթերցասրահում (503) տեղի կունենա «Ինչպե՞ս կառուցել հաջող կարիերա» թեմայով հանդիպում:

ԵՊՀ շրջանավարտների և կարիերայի կենտրոնի և «Magnus HR»-ի համագործակցության շրջանակում կազմակերպվող մասնագիտական զարգացման հանդիպման ընթացքում ընկերության ներկայացուցիչը կներկայացնի կարիերայի առաջխաղացման, մասնավորապես LinkedIn-ի արդյունավետ օգտագործման և հարցազրույցների նախապատրաստման լավագույն մեթոդները:

Հանդիպմանը մասնակցելով ուսանողները կբացահայտեն՝

• ինչպես գրավիչ դարձնել LinkedIn-ի պրոֆիլը,
• ինչպես լավագույնս ներկայանալ հարցազրույցին,
• ինչպես կառուցել կարիերայի առաջխաղացման հստակ ճանապարհ,
• LinkedIn-ի ճիշտ օգտագործման ռազմավարություններ՝ մասնագիտական տեսանելիությունն ուժեղացնելու համար,
• ինքնաներկայացման հմտությունների զարգացում՝ ուժեղ կողմերն արդյունավետ ներկայացնելու համար,
• Q&A հատված։