«Erasmus+ Virtual Exchanges» ծրագրերին նվիրված տեղեկատվական հանդիպում

Ս.թ. հունվարի 15-ին՝ ժամը 15:00-ին, «Էրազմուս+» ազգային գրասենյակի (NEO) հետ համագործակցության շրջանակում տեղի կունենա տեղեկատվական հանդիպում, որը նվիրված է «Erasmus+ Virtual Exchanges» ծրագրերին։

Հանդիպման ընթացքում կներկայացվեն՝

• «Erasmus+ Virtual Exchanges» ծրագրերի նպատակներն ու շրջանակը,

• վիրտուալ փոխանակումների ձևաչափերը (առցանց քննարկումներ, համատեղ ուսուցում, միջմշակութային երկխոսություն և այլն),

• դիմումների ներկայացման գործընթացը, գնահատման չափանիշները և ծրագրի իրականացման հիմնական պահանջները,

• հաջող դիմում ներկայացնելու գործնական խորհուրդներ։

Հանդիպումը նախատեսված է՝

• համալսարանների ակադեմիական և վարչական աշխատակազմի,

• երիտասարդական և քաղաքացիական հասարակության կազմակերպությունների, ինչպես նաև երիտասարդության, կրթության, միջմշակութային երկխոսության և կարողությունների զարգացման ոլորտներում գործող կազմակերպությունների ներկայացուցիչների համար։

Մասնակցելու համար լրացնել գրանցման հայտը՝ https://forms.gle/Vq42JVxNvFF3pDA49