ԵՊՀ մաթեմատիկայի և մեխանիկայի ֆակուլտետը սույն թվականի հունիսի 29-ից հուլիսի 6-ը Ծաղկաձորում կազմակերպել էր «Մաթեմատիկա և կիրառություններ» շարքի 7-րդ՝ «Գաղտնագրություն, վիճակագրություն և մեքենայական ուսուցում» խորագրով ամառային դպրոցը:
Ամառային դպրոցի մասնակիցները հիմնականում բակալավրիատի և մագիստրատուրայի ուսանողներն էին, մասնակցում էին նաև ասպիրանտներ, գիտաշխատողներ և ոլորտի մասնագետներ։
Դպրոցի նպատակն էր ստեղծել հարթակ, որտեղ արդիական ու կարևոր կիրառական երեք ոլորտների մասնագետներ կփոխանցեին իրենց գիտելիքները, իսկ մասնակիցներն առաջատար մասնագետներից դասախոսություններ լսելու, նոր կապեր հաստատելու, գիտելիքներ փոխանակելու և միմյանց հետ շփվելու հնարավորություն կունենան։ Դպրոցի մասնակիցների քանակը 57 էր 5 երկրներից։ Հրավիրյալ 9 դասախոսներ բանախոսեցին հետևյալ թեմաներով․
Anna Harutyunyan (Google DeepMind, UK), Reinforcement learning: an anti-tutorial
Alex Iosevich (University of Rochester, USA), Fourier uncertainty and time series imputation
Gohar Kyureghyan (University of Rostock, Germany), Mathematics of symmetric cryptography
Gábor Lugosi (Pompeu Fabra University and Barcelona School of Economics, Spain), Introduction to Statistical Learning Theory
Charles Margossian (Flatiron Institute, USA), Bayesian Statistics: a practical introduction
Shant Navasardyan (Picsart and YSU, Armenia), Generative AI with Diffusion Models
Razvan Pascanu (Google DeepMind, UK, and MILA, Canada), Intro to Deep Learning and LLMs
Armen Vagharshakyan (Institute of Mathematics, Armenia), Analytic methods in learning theory
Michal Valko (Stealth startup and INRIA, France), World Discovery Models and Gamification of Large Language Models
Ամառային դպրոցի գլխավոր հովանավորն էր «Ֆասթ Բանկ»-ը։ Հովանավորների ու գործընկերների շարքում էին ԵՊՀ-ն, «Հետազոտական մաթեմատիկա հիմնադրամ»-ը, ՀՀ ԿԳՄՍՆ բարձրագույն կրթության և գիտության կոմիտեն (այդ թվում՝ Ա․ Վաղարշակյանի 24RL-1A028 դրամաշնորհը), «ՏՈՐ» ՍՊԸ-ն, Հայաստանում «PMI Science» գիտահետազոտական կենտրոնը, «CodeSignal» ընկերությունը, անհատներ Արթուր Դադասյանն ու Ավետ Քոլյանը։
