Ընդհանուր տվյալներ
Քվանտային մեխանիկայից մինչև ակուստիկա, քիմիայից մինչև կենսաբանություն և ֆինանսական մոդելներից մինչև մեքենայական ուսուցում․ մասնակի ածանցյալներով դիֆերենցիալ հավասարումները կարևոր են համակարգերի վիճակը և դինամիկան տարբեր միջավայրերում նկարագրելու համար։ Սակայն, երբ միջավայրի հատկությունները կտրուկ փոփոխությունների են ենթարկվում, օրինակ՝ միջավայրերի միջև անցում կատարելու կամ դինամիկայում հանկարծակի փոփոխությունների դեպքում, մենք առնչվում ենք եզակիություններով մասնակի ածանցյալներով դիֆերենցիալ հավասարումների։ Մինչդեռ մասնակի ածանցյալներով դիֆերենցիալ հավասարումների համար մաթեմատիկական տեսությունները հիմնականում անդրադառնում են սահուն կամ անընդհատ փոփոխությունների դեպքերին․ եզակիություններով մասնակի ածանցյալներով դիֆերենցիալ հավասարումներն դեռևս քիչ են ուսումնասիրված։ Վերջերս Մ․ Ռուժանսկին և իր գործընկերները առաջադրել են նոր մոտեցում, որը խոստանում է դառնալ եզակիություններով մասնակի ածանցյալներով դիֆերենցիալ հավասարումների լուծման հզոր մեթոդ։
Նախագծի նպատակն է զարգացնել այդ մոտեցումը, ստեղծել եզակիություններով մասնակի ածանցյալներով դիֆերենցիալ հավասարումների լուծման ընդհանուր շրջանակ, ինչպես նաև օգնել հայ երիտասարդ ու տաղանդավոր մաթեմատիկոսներին՝ սովորելու և դառնալու բարձրակարգ մասնագետներ խիստ պահանջված այս բնագավառում:
