Ասիմետրիկ օրգանոկատալիզի ոլորտում գործնական գիտելիքների զարգացում

Մասնագիտական վերապատրաստման ներկայացված ծրագրի նպատակն է ընդլայնել գիտելիքները ասիմետրիկ օրգանոկատալիզի ոլորտում։ Այդ նպատակով՝ որպես ընդունող կողմ ընտրվել է Յոհաննես Կեպլերի անվան Լինցի համալսարանի պրոֆեսոր Մարիո Վասերը, որն ունի մեծ փորձ ասիմետրիկ օրգանոկատալիզի ոլորտում։ 

Վերապատրաստման նպատակն է ձեռք բերել կոնկրետ ռեակցիաների համար ասիմետրիկ օրգանոկատալիզորդների նախագծման և ընտրության հմտություններ, ինչպես նաև սովորել նոր կատալիտիկ ռեակցիաների իրականացման մեթոդներ, մասնավորպես՝ ալենոատների ցիկլոմիացման օրինակով։ Ձեռք բերված գիտելիքները և հմտությունները փոխանցվելու են Հայաստանի հետազոտողներին։