Ընդհանուր տվյալներ
Ռեզերվուար հաշվումը (RC) մեքենայական ուսուցման մոտեցում է, որը հիմնված է բարդ դինամիկ համակարգի՝ ռեզերվուարի օգտագործման վրա՝ հաստատուն պատահական ներմուծմամբ և ներքին կապերով։ Օպտիկական ռեզերվուար հաշվումը (ՕՌՀ) դրա խոստումնալից ձևերից է, որն իրականացվում է օպտիկական տարրերով։ Լույսը, անցնելով ցրող միջավայրով, ենթարկվում է բարդ փոխակերպումների լույսի արագությամբ։ Սա թույլ է տալիս տվյալների արագ և էներգախնայող մշակում։ Ցրող միջավայրը ՕՌՀ-ում ծառայում է որպես ֆիզիկական ռեզերվուար՝ ապահովելով մուտքի և ռեզերվուարի կապը, ինչպես նաև նեյրոնների փոխկապվածությունը։ ՕՌՀ մեթոդները լավ արդյունքներ են ցուցադրել քաոսային տարածաժամանակային համակարգերի կանխատեսման մեջ։ Նախագծում առաջարկվում է օգտագործել հեղուկ բյուրեղային բջիջ (LCC)՝ որպես վերակազմակերպվող ցրող միջավայր, որը հնարավորություն է տալիս վերահսկելու ռեզերվուարի կապայնությունն ու տոպոլոգիան։ Այս հավելյալ ճկունությունը կարող է էապես բարձրացնել համակարգի արդյունավետությունը։
Գիտական ղեկավար
Ռաֆայելյան Մուշեղ Սպարտակի
