Ֆարմացիա (մագիստրատուրա)

 

Ծրագրի անվանումը	Ֆարմացիա
Ուսման տևողությունը	Մեկ տարի, 60 ECTS կրեդիտ
Շնորհվող որակավորումը	Ֆարմացիայի մագիստրոս
Ուսումնառության լեզուն	Հայերեն
Ուսուցման ձևը	Առկա
Ուսման վարձը	650 000 ՀՀ դրամ

•  Ընդունելությունը.

Ծրագրի դիմորդը պետք է ունենա բակալավրի դիպլոմ դեղագիտության (ֆարմացիայի), դեղագործական քիմիայի կամ հարակից այլ մասնագիտություններով: Նախորդող նույն մասնագիտության շրջանակներում ընդունելությունն իրականացվում  է հարցազրույցով,   իսկ հարակից մասնագիտությունների դեպքում դիմորդը հանձնում է մասնագիտական քննություն՝  սահմանված հարցաշարով:

• Ծրագրի նպատակն է. 

Պատրաստել ֆարմացիայի ոլորտի խորը և համակողմանի գիտելիքներով օժտված մասնագետներ, ովքեր կլինեն առողջապահական թիմի անբաժանելի անդամ և պաատասխանատու կլնինեն դեղորայքի ճիշտ օգտագործման ու բուժառուների անվտանգության համար:  

Ուսանողներին օժտել մասնագիտական կարողություններով՝ ֆարմացիայի ոլորտի տարբեր ուղղություններով (դեղանյութերի սինթեզի,  կառուցվածքի հետազոտման և հավաստագրման, ազդեցության մեխանիզմների ուսումնասիրման, դեղանյութերից նոր դեղաձևերի ստացման և այլն) հետազոտական գործունեությամբ զբաղվելու համար:

• Ծրագրի կրթական վերջնարդյունքները․

Ծրագրի ավարտին ուսանողն ունակ կլինի՝

Գիտելիք և իմացություն

• Ներկայացնել ֆարմացիայի վերջին նվաճումները, որոնք կիրառվում են աշխատանքի, ուսումնառության և հետազոտության համար։
• Ներկայացնել ֆարմացիայի, առողջապահության և հարակից ոլորտների զարգացման ռազմավարական մոտեցումները, տեսությունները և առաջավոր սկզբունքները:
• Ներկայացնել գիտական հետազոտությունների, ինչպես նաև դասավանդման մեթոդների և դրանց առնչվող տեսությունների  արդի մոտեցումները:

Հմտություններ  

• Ներկայացնել առանցքային մասնագիտական հմտություններ, որոնք անհրաժեշտ են հետազոտական ու նորարարական գործունեություն իրականացնելիս՝ ֆարմացիայի, առողջապահության և հարակից ոլորտների գիտելիքը համակցելու և նոր գիտելիք ստեղծելու համար,  նոր և անծանոթ իրավիճակներում ֆարմացիայի տեսական ու գործնական խնդիրներ լուծելու համար:
• Ցուցաբերել  արդյունավետ հաղորդակցման հմտություններ բուժառուների, գործընկերների, առողջապահության ոլորտի այլ մասնագետների և հանրության շրջանում՝ ապահովելով խորհրդատվության տրամադրում և տեղեկատվության տարածում:

Կարողություններ

• Հավաքել, պահպանել, մշակել, վերլուծել, գնահատել,  մեկնաբանել և ներկայացնել տեղեկատվությունը մասնագիտական բարդ խնդիրների լուծման նպատակով՝ վարժ կիրառելով արդի մասնագիտացված համակարգչային ծրագրեր: 
• Հետազոտել, վերլուծել, արժևորել մասնագիտական ոլորտի հիմնախնդիրները, առաջադրել դրանց լուծման գիտահեն արդիական մոտեցումներ, կանխատեսել հնարավոր զարգացումները:
• Մշակել մասնագիտական ոլորտի գիտելիքի և պրակտիկայի ընդլայնմանը միտված նորարարական ու ստեղծագործական լուծումներ:
• Ծավալել միջազգային միջավայրում մասնագիտական և գիտահետազոտական գործունեություն:
  
• Ծավալել լիարժեք և ինքնուրույն մասնագիտական գործունեություն ֆարմացիայի և առողջապահության ոլորտում՝ կիրառելով խոր մասնագիտական գիտելիքներ, կարողություններ, հմտություններ, դրսևորելով պատշաճ վարվելակերպ:

• Ուսումնական պլանը․

Ծրագրի ուսումնական պլանը հասանելի է այստեղ

• Շրջանավարտների ապագա կարիերայի հնարավորությունները.

«Ֆարմացիա» մագիստրոսական ծրագրի շրջանավարտները կարող են աշխատանքի անցնել դեղագործության և դրան հարակից մասնագիտական ոլորտներում գործող կառույցներում` զբաղեցնելով հետևյալ պաշտոնները.

Հանրային և հիվանդանոցային դեղատներ

• դեղագետ

Բժշկական հիմնարկներ

• կլինիկական դեղագետ

Դեղարտադրողընկերություններ

• դեղարտադրության ոլորտի որակավորված անձ,
• դեղագետ-տեխնոլոգ

ՀՀ Առողջապահության նախարարության Դեղային քաղաքականության և բժշկական տեխնոլոգիաների վարչություն

• գլխավոր մասնագետ,
• առաջատար մասնագետ,
• մասնագետ

Առողջապահության տեսչություն

• դեղագետ-տեսուչ

Փորձագիտականկենտրոններ

• որակի հսկման և գնահատման փորձագետ,
• փորձագետ

Դեղերի մեծածախ իրացման կազմակերպություններ

• պատասխանատու դեղագետ,
• դեղագործական շուկայի մարկետոլոգ

Արտասահմանյան դեղարտադրողների հայաստանյան ներկայացուցչություններ

• դեղագետ-ներկայացուցիչ,
• դեղերի առաջ մղման մասնագետ

Գիտահետազոտական հաստատություններ

• հետազոտող գիտաշխատող,

Կրթական հաստատություններ 

Դասախոս, ասիստենտ

Ծրագրի շրջանավարտները կարող են շարունակել իրենց հետբուհական ուսումը ինչպես ԵՊՀ Ֆարմացիայի ինստիտուտի ամբիոնների, այնպես էլ ԵՊԲՀ-ի և ՀՀ ԳԱԱ տարբեր մասնագիտական ինստիտուտների  ասպիրանտուրայում: 

• Ուսումնառության օժանդակության ռեսուրսները և ձևերը.

Ֆարմացիայի ինստիտուտում գործում են երեք մասնագիտական ամբիոններ՝, որոնք հագեցած են դեղատնային և անալիտիկ ժամանակակից սարքավորումներով  կահավորված  ուսումնական և ուսումնագիտական լաբորատորիաներով (դեղատնային և գործարանային տեխնոլոգիայի, դեղաբանության, դեղագրքային անալիզի, դեղագիտական քիմիայի, և այլն) և աշխատասենյակներով:

Լաբորատորիաներին կարող եք ծանոթանալ անցնելով հետևյալ հղումներով.

 

Ինստիտուտում առկա են համակարգիչներով հագեցած լսարաններ, որոնք հնարավորություն են տալիս կազմակերպելու դիդակտիկ նյութերով հագեցած դասախոսություններ, ինչպես նաև հեռուսուցմամբ  առցանց դասախոսություններ:

Դասընթացների լիարժեք յուրացման համար ուսանողներին տրամադրվում են նաև էլեկտրոնային նյութեր և գրքեր, իսկ որոշ տպագիր գրքեր և ուսումնամեթոդական ձեռնարկներ ուսանողները կարող են ձեռք բերել ԵՊՀ գրադարանից և Ֆարմացիայի ինստիտուտի գրասենյակից: