Ամփոփվել են ԵՊՀ 2025-2026 ուստարվա առկա ուսուցմամբ բակալավրիատի ընդունելության լրացուցիչ փուլի արդյունքները

Լրացուցիչ փուլի մրցույթի արդյունքներով ԵՊՀ է ընդունվել 158 ուսանող, որից 11-ը՝ անվճար, իսկ 147-ը՝ վճարովի հիմունքով։ 

Անվճար հիմունքով ընդունելության մրցույթի արդյունքներին հնարավոր է ծանոթանալ այստեղ:

Վճարովի հիմունքով ընդունելության մրցույթի արդյունքներին հնարավոր է ծանոթանալ այստեղ:

Արտոնությամբ ընդունվածների անվանացանկին հնարավոր է ծանոթանալ այստեղ:

Ընդհանուր առմամբ, այս տարի Երևանի պետական համալսարան է ընդունվել 2438 դիմորդ: 

Նշենք, որ 2025-2026 ուստարվա բակալավրիատի առկա ուսուցմամբ կրթական ծրագրերով ընդունելության համար ԵՊՀ-ն հատկացրել է 2371 տեղ, որին դիմել է 3677 դիմորդ: 

Հարկ է ընդգծել, որ ԵՊՀ-ում պարբերաբար արդիականացվում են կրթական ծրագրերը՝ դրանք համապատասխանեցնելով միջազգային չափանիշներին և աշխատաշուկայի ժամանակակից պահանջներին։

Հավելենք, որ Երևանի Ավան վարչական շրջանում՝ Ծարավ Աղբյուրի նորակառույց թաղամասում, գործում է ԵՊՀ ուսանողական հանրակացարանը, որտեղ ստեղծված են բոլոր պայմանները ԵՊՀ ուսանողների հարմարավետ և մատչելի կեցությունն ապահովելու համար:

Ուսանողական հանրակացարանի վերաբերյալ մանրամասներին հնարավոր է ծանոթանալ այստեղ։