ԵՊՀ գրադարանում նախատոնական տրամադրություն էր

Երեխաները մեծ հետաքրքրությամբ լսեցին զվարճալի ու խորհրդանշական «Հեքիաթ լույսի մասին» պատմությունը՝ մի պահ «տեղափոխվելով» կախարդական աշխարհ, որտեղ լույսը հաղթում է խավարին և բերում ջերմություն ու բարություն։ Հեքիաթային մթնոլորտը ամբողջացրեց Ձմեռ պապի տեսաուղերձը, որը մեծ ուրախություն ու ոգևորություն պարգևեց փոքրիկներին։

Միջոցառման ամենասիրված հատվածներից էր ստեղծագործական աշխատանքը։ Երեխաները սեփական ձեռքերով պատրաստեցին ամանորյա փոքրիկ նվերներ՝ տոնածառի խաղալիքներ։ Այդ պահը վերածվեց ոչ միայն խաղի, այլև ջերմ հաղորդակցության ու միասին ստեղծելու ուրախ փորձառության։