ԵՊՀ-Ն ՆՊԱՍՏՈՒՄ Է ՀԱՅ-ՉԻՆԱԿԱՆ ՀԱՐԱԲԵՐՈՒԹՅՈՒՆՆԵՐԻ ԱՄՐԱՊՆԴՄԱՆԸ

ԵՊՀ միջազգային հարաբերությունների ֆակուլտետում տեղի ունեցավ Հայաստանում ՉԺՀ դեսպանատան հայտարարած դրամաշնորհի հաղթող ճանաչված մասնակիցների դրամական պարգևների հանձնման արարողությունը:

YSU-contributes-to-the-strengthening-of-Armenian-Chinese-relations-

Դրամաշնորհի նպատակն էր խթանել չինարենի դասավանդումը, նպաստել հայ-չինական հարաբերությունների ամրապնդմանն ու համատեղ ծրագրերի կյանքի կոչմանը:

Հատկանշական է, որ Հայաստանում ՉԺՀ դեսպանատան հայտարարած դրամաշնորհային մրցույթում ԵՊՀ միջազգային հարաբերությունների ֆակուլտետից հաղթող են ճանաչվել դիվանագիտական ծառայության և մասնագիտական հաղորդակցման ամբիոնի՝ չինարենի դասախոս Արևիկ Սարգսյանը, երկրորդ կուրսի ուսանող Հովհաննես Բարսամյանը և երրորդ կուրսի ուսանողներ Աննա Ուդումյանն ու Աննա Ղարիբյանը:

Դրամաշնորհային ծրագրի կարևոր նախապայմաններից է եղել լեզվի իմացության բարձր մակարդակը, դիմորդների մշակութային գործունեությունը և ունեած դերը չինական մշակույթի զարգացման ու տարածման գործում:

Հատկանշական է, որ ԵՊՀ միջազգային հարաբերությունների ֆակուլտետում 2015 թվականից գործում է չինարենի և չինական մշակույթի կենտրոն, որտեղ ուսանողները ստանում են չինարենի վերաբերյալ համակողմանի գիտելիքներ, ինչը նաև նպաստում է հայ-չինական հարաբերությունների զարգացմանը և աշխատանքի նոր հնարավորություններ ստեղծում ԵՊՀ ուսանողների համար:

Ուշագրավ է, որ դրամաշնորհի հաղթող մասնակիցներին Հայաստանում ՉԺՀ դեսպանատանը պատվոգրեր են հանձնել ՀՀ ԿԳՄՍ նախարարի տեղակալ Արթուր Մարտիրոսյանը և ՀՀ-ում ՉԺՀ արտակարգ և լիազոր դեսպան Ֆան Յոնգը:

Նշենք, որ ԵՊՀ միջազգային հարաբերությունների ֆակուլտետում գործում են չինարենի խմբակներ, որոնց կարող են դիմել տարիքային տարբեր խմբերի ներկայացուցիչներ:

ԵՊՀ-Ն ՆՊԱՍՏՈՒՄ Է ՀԱՅ-ՉԻՆԱԿԱՆ ՀԱՐԱԲԵՐՈՒԹՅՈՒՆՆԵՐԻ ԱՄՐԱՊՆԴՄԱՆԸ

«Էրազմուս+» միջազգային կրեդիտային շարժունության գործողության շրջանակում ԵՊՀ-ի և Բեռլինի ազատ համալսարանի (Բեռլին, Գերմանիա) միջև

Խաղ-վիկտորինայի հրավեր. ԵՊՀ ԵԼՀ ֆակուլտետ

«Էրազմուս+» միջազգային կրեդիտային շարժունություն Երևանի պետական և Հալլե-Վիտտենբերգի Մարտին Լյութերի անվան համալսարանների միջև