Մեքենայական ուսուցման լաբորատորիա

ԵՊՀ մաթեմատիկական և կիրառական հետազոտությունների կենտրոնի մեքենայական ուսուցման (ՄՈՒ) լաբորատորիան հիմնադրվել է 2022 թ․ երկրորդ կեսին «Krisp» ընկերության հետ համատեղ նախաձեռնությամբ։ 

Այսօր լաբորատորիան հետևողականորեն ընդլայնում է իր հետազոտական օրակարգը արհեստական բանականության (ԱԲ) և դրա կիրառությունների ասպարեզներում՝ ամրապնդելով միջազգային կապերն ու արդյունաբերական ընկերությունների հետ համագործակցությունը։

Լաբորատորիան նպատակադրված է մշակելու գիտական այնպիսի արտադրանք, որով իր ուրույն տեղը կգրավի հասարակությունն ու տնտեսությունը վերափոխող գիտատեխնոլոգիական այս տիրույթի համաշխարհային քարտեզի վրա՝ ի շարս առաջավոր հաստատությունների։

Լաբարատորիան մի շարք հետազոտական նախագծեր է իրականացնում, մասնավորապես հետևյալ թեմաների շրջանակներում.

• իրերի համացանցի (IoT) կիրառություններում ՄՈՒ նոր մեթոդների մշակում ռադիոազդանշանային տվյալների հիման վրա,
• նոր մոլեկուլների գեներացիա մեծ լեզվական մոդելների կիրառմամբ,
• ռոբոտացված համակարգերի կառավարում, վիզուալ-լեզվական նավիգացիայի ալգորիթմների մշակում,
• արբանյակային լուսանկարների ճանաչման հզոր նեյրոնային ցանցերի կառուցում,
• ՄՈՒ բացատրելի ալգորիթմների կառուցում ու դրանց կիրառություններ,
• խոսքի/ձայնի մշակման խնդիրներ,
• տեքստերի, փաստաթղթերի, ծրագրային կոդերի ավտոմատ վերլուծություն ստեղծարար/գեներատիվ ԱԲ միջոցներով: