Ինտեգրված մոտեցում մասնագիտական կողմնորոշմանը․ հոգեդիագնոստիկ փաթեթի ձևավորում

Հրավիրում ենք մասնակցելու «Ինտեգրված մոտեցում մասնագիտական կողմնորոշմանը․ հոգեդիագնոստիկ փաթեթի ձևավորում» թեմայով գիտական սեմինարին, որի շրջանակում կներկայացվեն հոգեդիագնոստիկ գործիքների ինտեգրման սկզբունքները՝ ուղղված անձի մասնագիտական հետաքրքրությունների, կարողությունների և արժեքների համակողմանի գնահատմանը։ Կքննարկվեն նաև մշակված փաթեթի կառուցվածքը, կիրառման հնարավորությունները կրթական միջավայրում և դրա արդյունավետության բարձրացման ուղիները։ Սեմինարը կվարեն Հոգեբանության գիտահետազոտական կենտրոնի կրտսեր գիտաշխատողներ Հայկ Աբովյանը և Սեդա Պապոյանը։ Մուտքն ազատ է։