Մաթեմատիկական հետազոտությունների լաբորատորիա

Մաթեմատիկական հետազոտությունների լաբորատորիան հիմնադրվել է 2015թ․:

Մաթեմատիկական հետազոտությունների լաբորատորիան զբաղվում է հանրահաշվի, ֆունկցիաների տեսության, հավանականություների տեսության և մաթեմատիկական վիճակագրության դիֆերենցիալ հավասարումների հիմնախնդիրներով։ Աշխատակիցները հետազոտում են օրթոգոնալ շարքեր, եռանկյունաչափական և Ուոլշի շարքերի զուգամիտության և միակության հարցեր, Ֆրանկլինի համակարգ, խմբերի կոմբինատոր և երկրաչափական տեսություններ, հանրահաշիվների նույնություններ և գերնույնություններ, երկրաչափական պատահական պրոցեսներ, կիրառական հավանականային խնդիրներ, հարմոնիկ անալիզ և օպերատորների տեսություն, ֆունկցիոնալ տարածություններ, ազատ եզրով (free boundary problems) խնդիրներ, խոչընդոտի խնդիր, էլիպտիկ հավասարումների լուծումներ։

Լաբորատորիան իրականացնում է հետազոտական հետևյալ թեմաների շրջանակում՝

• խմբերի կոմբինատոր և երկրաչափական տեսություններ, Պարբերական խմբեր․ խմբերի հյուսվածքային արտադրյալների (wreath products) և դրանցով սահմանված բազմաձևություններ, խմբերի ներդրման թեորեմներ,
• նույնություններ և գերնույնություններ հանրահաշիվներում, հանրահաշվական համակարգեր, քվազիխմբեր, գերնույնություններ (super-identities) և դրանց կիրառություններ,
• երկրաչափական պատահական պրոցեսներ, կիրառական հավանականային խնդիրներ և երկրաչափական մարմինների հատույթների բնութագրեր,
• հարմոնիկ անալիզ և օպերատորների տեսություն, Հարդիի և Բերգմանի տիրույթներ, պոտենցիալների տեսություն և ֆունկցիոնալ տարածություններ,
• ազատ եզրով (free boundary problems) խնդիրներ, խոչընդոտի խնդիր, էլիպտիկ հավասարումների լուծումներ և երկրաչափական հատկություններ,
• օրթոգոնալ շարքեր, եռանկյունաչափական և Ուոլշի շարքերի զուգամիտության և միակության հարցեր, Ֆրանկլինի համակարգ:

Համագործակցություն

• Շվեդիայի Թագավորական տեխնոլոգիական ինստիտուտ
• Մոսկվայի Ստեկլովի անվ․ Մաթեմատիկայի ինստիտուտ,
• Բերգենի համալսարանի Սելմեր կենտրոն (նորվեգերեն՝ Selmersenteret)
• Բար-Իլան համալսարանի ճշգրիտ գիտությունների ֆակուլտետ (Իսրայել)