Ամենասպասված ու հագեցած ուսանողական ճամբարը վերադառնում է։ Ընկերներ, նոր գիտելիքներ, հմտությունների զարգացում և հիանալի արկածներ․ այս ամենը «Զարկ» ուսանողական ճամբար 2025-ում։
Երևանի պետական համալսարանի ուսանողական խորհրդի և ուսանողների հետ տարվող աշխատանքների կենտրոնի համագործակցության շրջանակում մեկնարկում է «Զարկ» ուսանողական ճամբար-2025-ի հայտագրումը։
Ի՞նչ է սպասվում
Արկածներով լի 7 օրեր,
սպորտային, մշակութային և ինտելեկտուալ առաջադրանքներ,
թեժ մրցակցություն ուսանողական 6 ջոկատների միջև, որոնք անվանակոչվել են արքայատոհմերի անուններով՝ Երվանդունիներ, Արտաշեսյաններ, Արշակունիներ, Բագրատունիներ, Ռուբինյաններ, Հեթումյաններ։
Օրակարգի անբաժան մասն են կազմելու՝
առավոտյան մարմնամարզություն,
սպորտային մրցաշարեր,
ազգային երգ ու պար,
ծանոթացում զինվորական առօրյային և կրակային պատրաստություն,
մշակութային և ինտելեկտուալ խաղեր,
հայկական ֆիլմերի դիտումներ,
հանդիպում-քննարկումներ հայտնի հյուրերի հետ,
դասընթացներ, բանախոսություններ ոլորտային մասնագետների կողմից,
եզակի արշավ Վանաձորի բնության գողտրիկ անկյուններով։
Վայր՝ ՀՀ, Լոռու մարզ, ք․ Վանաձոր, «Ծիծեռնակ» ճամբար
Ամսաթիվ՝ 2025 թ․ օգոստոսի 11-17
Մասնակցելու հնարավորություն ունեն միայն ԵՊՀ ուսանողները։
Դիմելու վերջնաժամկետը՝ ս․թ․ հուլիսի 25։
Մասնակցելու համար անհրաժեշտ է նախապես լրացնել հետևյալ հայտադիմումը՝ https://forms.gle/m9Gxx6ceHPL8haTL9
Ճամբարը քեզ է սպասում։ Բաց մի՛ թող հնարավորությունը․ գրանցվի՛ր հենց հիմա։
