«Միջազգային դատարաններ և արբիտրաժ» մագիստրոսական կրթական ծրագրի համահիմնադիր Քրիստինե Խանազադյանը Երևանի պետական համալսարանի «Միջազգային դատարաններ և արբիտրաժ» մագիստրոսական կրթական ծրագրի համահիմնադիրներից է: Ծրագրի շրջանակում դասավանդում է «Միջազգային առևտրային արբիտրաժ», «Միջազգային ներդրումների մասին օրենք և արբիտրաժ» առարկաները:

Մասնագիտական կրթությունն ամբողջացրել է միջազգային բիզնես իրավունքի և վեճերի լուծման ոլորտում տարիների փորձով։ Նա իրավաբանական խորհրդատվություն է տրամադրել, ինչպես նաև ներկայացրել թե՛ շահույթ հետապնդող, թե՛ ոչ առևտրային կազմակերպությունների շահերը՝ միջազգային գործարքներում և ներպետական իրավական վեճերի լուծման գործընթացներում:

Հինգ տարի ղեկավարել է ՀՀ կառավարության համակարգում գործող Միջազգային արբիտրաժներում և օտարերկրյա դատարաններում ՀՀ շահերի պաշտպանության վարչությունը՝ ներկայացնելով Հայաստանի Հանրապետությունը ներդրող-պետություն և առևտրային արբիտրաժային վարույթներում: Եղել է նաև ՀՀ իրավական թիմի անդամ, որը ներկայացրել է Հայաստանի Հանրապետությունը Արդարադատության միջազգային դատարանում և պետությունների միջև տեղի ունեցող արբիտրաժային վարույթներում:

Ակադեմիական գործունեությունից զատ՝ Քրիստինե Խանազադյանը գործող փաստաբան է․ նա «Equity Law Partners» իրավաբանական ընկերության համահիմնադիրն ու իրավաբանական ծառայությունների ղեկավարն է՝ մասնագիտացած կորպորատիվ իրավունքի, վեճերի լուծման և ռազմավարական խորհրդատվության ուղղություններով: 2017 թվականից նա Հայաստանի Հանրապետության փաստաբանների պալատի անդամ է և լիցենզավորված փաստաբան։

Ավելին։