Բուդապեշտի Պետեր Պազմանի անվան կաթոլիկ համալսարանի հայագիտության ամբիոնը առաջարկում է «Պատմաբանություն» (հայագիտության ուղղությամբ) բակալավրի եռամյա և մագիստրոսական երկամյա կրթական ծրագրերում ուսանելու հնարավորություն ուսանողների համար։
Ուսուցման լեզուն անգլերենն է։ Ծրագրի շրջանակում առաջարկվում է միջառարկայական ուսուցում պատմության ոլորտում՝ գլոբալ և հայկական հեռանկարների հատուկ ուղղվածությամբ՝ նախապատրաստելով ուսանողներին մի շարք մասնագիտական ուղիների, ներառյալ՝ կառավարության, միջազգային հարաբերությունների, ակադեմիական աշխատանքի, կրթության, իրավունքի, գրադարանավարության և արխիվային աշխատանքի ոլորտները:
Միջազգային պրոֆեսորադասախոսական կազմի շնորհիվ ուսանողները հնարավորություն կունենան բարելավելու արևելահայերենի, արևմտահայերենի և գրաբարի գիտելիքները, ինչպես նաև մասնագիտանալու ազգային և անդրազգային պատմագրության, սոցիալական մարդաբանության, գրականության, թարգմանության, սփյուռքագիտության և մի շարք այլ բնագավառներում։
Համաշխարհային պատմության դասընթացներն իրենց հերթին ուսանողներին հնարավորություն կտան մարդկության պատմությունը դիտարկելու որպես տնտեսական, մշակութային, քաղաքական և տեխնոլոգիական փոխկապակցվածության շարունակական գործընթաց:
Հիմնվելով միջառարկայական մոտեցման վրա՝ ծրագիրը նպատակ ունի զարգացնելու հետազոտական հմտությունները, վերլուծական մտածողությունը և քննադատական մտածողությունը, որոնք առանցքային դեր ունեն կարիերայի վերոնշյալ բոլոր ուղիների համար:
Մանրամասները՝ այստեղ:
Ծրագրին դիմելու մանրամասների, ընթացակարգի և կրթաթոշակի չափի մասին ավելին՝ այստեղ։
