«Էրազմուս+» ծրագրի միջազգային կրեդիտային շարժունություն. Կորունայի համալսարան, Իսպանիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Կորունայի համալսարանի (Իսպանիա) միջև կնքված պայմանագրով նախատեսվում են շարժունություններ բակալավրիատի, մագիստրատուրայի և ասպիրանտուրայի ուսանողների համար` 2026-2027 ուստարվա 1-ին կիսամյակում 3-5 ամիս ժամկետով ուսանելու նպատակով:

Շարժունությունները նախատեսված են Ինֆորմատիկայի և կիրառական մաթեմատիկայի ֆակուլտետի, Մաթեմատիկայի և մեխանիկայի ֆակուլտետի և Ֆիզիկայի ինստիտուտի ուսանողների համար։

Աշխատանքային լեզուն անգլերենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև ճանապարհածախս: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գրասենյակի կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am):

Դիմումների ընդունման վերջնաժամկետն է ս.թ. մարտի 18-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն՝ PDF տարբերակով)՝

1. անձնագրի պատճեն,

2. ինքնակենսագրական (CV)՝ «Europass» ձևաչափով,

3. մոտիվացիոն նամակ,

4. ակադեմիական տեղեկագիր,

5. տեղեկանք՝ ԵՊՀ-ում ուսանելու վերաբերյալ (թարգմանված և հաստատված ԵՊՀ միջազգային կապերի բաժնի կողմից),

6. ուսումնառության համաձայնագիր (Learning Agreement for Studies),

7. առարկաների ցանկը կարող եք գտնել այստեղ.

Անգլերեն դասընթացներ

Ասպիրանտների դեպքում` ընդունող բուհի գիտական ղեկավարի համաձայնությունը, որի համար անհրաժեշտ է ինքնակենսագրականը (CV) և հետազոտական նախագիծը ուղարկել հետևյալ էլհասցեին՝ iro@udc.es,

7.1. հետազոտության համաձայնագիր (Learning Agreement for PhD students): Կցված է։