Մեկնարկել է «Միջազգային հարաբերություններ» մասնագիտությամբ «Ամերիկագիտություն» մագիստրոսական կրթական ծրագիր

ԵՊՀ ամերիկյան հետազոտությունների կենտրոնը տեղեկացնում է, որ 2026-2027 ուստարում կգործի «Միջազգային հարաբերություններ» մասնագիտությամբ «Ամերիկագիտություն» մագիստրոսական կրթական ծրագիրը, որը մշակվել և ներդրվել է ԵՊՀ երկարամյա գործընկեր Արիզոնայի պետական համալսարանի hետ համագործակցության շրջանակում և ՀՀ-ում ԱՄՆ դեսպանատան ֆինանսական օժանդակությամբ։

Ամերիկյան հետազոտությունների կենտրոնի կողմից առաջարկվող «Ամերիկագիտություն» կրթական ծրագրի հիմնական դասընթացները կենտրոնանում են հետևյալ ուղղությունների վրա.

• ԱՄՆ արտաքին քաղաքականություն 

• ԱՄՆ Սահմանադրություն և դատական համակարգ

• Քաղաքականության կիրառական վերլուծություն և լավ կառավարում 

• Մերձավոր Արևելքում և հարակից տարածքներում ամերիկյան ռազմավարական շահեր

• ԱՄՆ էներգետիկ քաղաքականություն և շրջակա միջավայր

• ԱՄՆ կառավարություն և հանրային քաղաքականություն

• Քաղաքատնտեսություն, բիզնես և ԱՄՆ կորպորացիաներ 

• Ամերիկյան հասարակություն, տարածաշրջանային քաղաքականություն և ամերիկահայ սփյուռք 

• Գլոբալ կառավարում և բանակցային տեխնոլոգիաներ

• Միջկառավարական հարաբերություններ