Ս․թ․ դեկտեմբերի 9-10 ԵՊՀ պատմության ֆակուլտետի նախաձեռնությամբ կանցկացվի «Հայոց պատմության հնագույն և հին շրջանների պատմության և պատմական ժողովրդագրության հիմնահարցեր» թեմայով միջազգային գիտաժողովը՝ նվիրված ՀՀ ԳԱԱ թղթակից անդամ, պրոֆեսոր, ԵՊՀ պատմության ֆակուլտետի նախկին դեկան, Հայոց պատմության ամբիոնի նախկին վարիչ Բաբկեն Հարությունյանի ծննդյան 85- ամյակին: 

Գիտաժողովի նպատակն է նորագույն հետազոտությունների արդյունքների լույսի ներքո քննարկել հայոց պատմության հնագույն և հին շրջանների, ինչպես նաև պատմական ժողովրդագրության տարբեր հիմնահարցերը։ 

Գիտաժողովի գործունեությունը նախատեսվում է կազմակերպել հետևյալ հիմնական ուղղություններով․

• Հայոց պատմության հնագույն և հին շրջաններ

• Կովկասյան և առաջավորասիական տարածաշրջանների հնագույն և հին շրջանի պատմության հարցեր

• Պատմական ժողովրդագրության տեսական և մեթոդաբանական խնդիրներ

• Հնագիտություն և տարածաշրջանի պատմության հիմնահարցեր

• Ազգաբանություն/մշակութային մարդաբանություն և տարածաշրջանի ուսումնասիրություն

• Հայ մշակույթի և արվեստի հին ու միջին դարերի պատմության հիմնահարցեր

Գիտաժողովի զեկուցումների համառոտ տարբերակը (մինչև 500 բառ) անհրաժեշտ է մինչև ս․թ․ հոկտեմբերի 15-ը ուղարկել հետևյալ էլեկտրոնային հասցեին՝ conferencehistory@ysu.am։ Հայտերը կարող են ներկայացվել հայերեն, ռուսերեն կամ անգլերեն։ Դիտարկվելու են միայն գիտաժողովի հայտարարված շրջանակներին համապատասխանող հայտերը։

Ընտրված զեկուցումների մասին կազմկոմիտեն մասնակիցներին կծանուցի մինչև ս․թ․ նոյեմբերի 1-ը։ Զեկուցումների հիմնադրույթները հրատարակվելու են մինչև գիտաժողովը։

Կազմկոմիտեի կողմից ընտրված զեկուցումները հրատարակվելու են որպես «Պատմություն և մշակույթ» հանդեսի հատուկ թողարկում։