Գիտաժողովի նպատակն է քննարկել հիդրոօդերևութաբանության, շրջակա միջավայրի մոնիթորինգի և էկոլոգիական անվտանգության ապահովման բնագավառում հիմնարար և կիրառական գիտական հետազոտությունների զարգացման ձեռքբերումներն ու հեռանկարները, բացահայտել և վերհանել հանրապետության հիդրոօդերևութաբանության ոլորտում ծառացած գերակա խնդիրները, զարգացման օրինաչափությունները և հեռանկարները, գնահատել վերջինիս դերը տարածաշրջանի սոցիալ-տնտեսական խնդիրների լուծման գործում, վերլուծել և գնահատել շրջակա միջավայրի արդի վիճակը, կլիմայի փոփոխության հիմնահարցերը:

Գիտաժողովի շրջանակում կքննարկվեն նաև ժամանակակից հասարակության զարգացման և էկոհամակարգի իրավական կարգավորման տնտեսակառավարման հիմնախնդիրները, ինչպես նաև Հայաստանի Հանրապետությունում բնապահպանական և հիդրոօդերևութաբանական կրթության խնդիրները:

Գիտաժողովի հիմնական ուղղություններն են՝

• շրջակա միջավայրի, բնական և անթրոպոգեն օբյեկտների ու երևույթների մոնիթորինգ,
• շրջակա միջավայրի արդյունավետ օգտագործման և բնապահպանական խնդիրներ,
• օդային ավազանի արդի վիճակը և էկոլոգիական անվտանգությունը,
• կլիմայի փոփոխությունը, սոցիալ-տնտեսական հետևանքները, խոցելիությունը և հարմարվողականությունը,
• ջրային ռեսուրսների օգտագործման և պահպանման հիմնախնդիրները,
• ջրային ռեսուրսների կառավարում,
• ջրաօդերևութաբանական վտանգավոր երևույթներ, աղետներ և դրանց ռիսկերը,
• ջրակլիմայական ռեսուրսների ռեկրեացիոն գնահատումը,
• ջրային օբյեկտների ջրաէկոլոգիական գնահատումը,
• անտառների ջրակլիմայական ռեժիմը, անտառային հրդեհներ, մոնիթորինգ,
• հիդրոօդերևութաբանությունը և տնտեսությունը,
• հիդրոօդերևութաբանության կանխատեսման հիմնահարցերը,
• հիդրոօդերևութաբանության և բնապահպանական գիտակրթական խնդիրները,
• տեխնոլորտային անվտանգություն և տարածքային զարգացում:

Գիտաժողովի լեզուն՝ հայերեն։

Գիտաժողովի անցկացման ձևաչափը՝ առկա։

Գիտաժողովի անցկացմանը վայրը՝ Երևանի պետական համալսարան,  Պալեանների անվան դահլիճ (ՀՀ, ք․ Երևան)։

Գիտաժողովի նյութերի հրապարակում։ Գիտաժողովի ավարտից հետո կհրապարակվեն գրախոսված զեկուցումները՝ ռուսերեն և անգլերեն լեզուներով։

Կոնտակտներ

Հեռ․՝ (+374 41) 100 798

Էլհասցե՝ vmargaryan@ysu.am