Արևելյան Եվրոպայի չղջիկների ուլտրաձայնային ուսումնասիրությունների առաջին աշխատաժողով

Արևելյան Եվրոպայի չղջիկների ուսումնասիրությունների 1-ին աշխատաժողովը ինտենսիվ վերապատրաստման ծրագիր է՝ նվիրված չղջիկների ձայնային (ակուստիկ) ժամանակակից հետազոտություններին։ Այն կազմակերպվում է ԵՊՀ կենդանաբանության ամբիոնի աշխատակիցների կողմից և հրավիրյալ  փորձագետներ Ստյուարտ Նյուսոնի, Քրիս Դամանտի և Հենրի Սքոֆիլդի հետ համագործակցությամբ։ 

Այս աշխատաժողովը կամուրջ է տեսական գիտելիքների և դաշտային կիրառության միջև։ Աշխատաժողովն անցկացվում է Արևելյան Եվրոպայի չղջիկների ուսումնասիրության 2-րդ գիտաժողովի (EEBRC) շրջանակում։

Աշխատաժողովը հնարավորություն է տալիս ուսումնասիրելու չղջիկների ուլտրաձայների գործնական և տեսական կողմերը։ Մասնակիցները հնարավորություն կունենան՝

• կատարելու տեսակների նույնականացում՝ սովորելով տարբերակել և նույնականացնել տեսակները ուլտրաձայնային ազդանշանների առանձնահատկություների միջոցով,

• կատարելու ակտիվ ձայնագրում դաշտային պայմաններում Pettersson D240X-ը, Echo Meter Touch 2-ը և SongMeter 4-ը (Wildlife Acoustics):

• կիրառելու պասիվ հետազոտման մեթոդները՝ սովորելով կարգավորել և կառավարել D400x (Pettersson), Elekon (BatLogger C) և SongMeter 4 (Wildlife Acoustics) ստացիոնար գրանցող սարքերը,

• կատարելու ժամանակակից վերլուծություն՝ մշակելով ակուստիկ տվյալները՝ օգտագործելով ոլորտի առաջատար ծրագրային ապահովումները՝ ներառյալ BatSound, BatExplorer և Kaleidoscope,

• նպաստելու գիտությանը. աշխատաժողովի ընթացքում հավաքագրված հետազոտական բոլոր տվյալները կամփոփվեն և կհրապարակվեն աշխատաժողովի պաշտոնական նյութերի ժողովածուում։

Աշխատաժողովի նպատակն է բարելավել մասնակիցների պատրաստվածությունը և գիտելիքները նորագույն տեխնոլոգիաների վերաբերյալ, ինչպես նաև փորձառություն հաղորդել չղջիկների դաշտային նույնականացման հարցում։ Սկսնակ և փորձառու մասնագետների համատեղ աշխատանքը նպաստում է ուսուցման գործընթացին՝ ինքնագիտակցման և մասնագիտական զարգացման միջոցով։ Թիրախային խումբը չղջիկների հետազոտությամբ հետաքրքրված անձինք են (նվիրյալներ, ՀԿ-ների ներկայացուցիչներ և գիտնականներ), որոնք աշխատում են կամ պատրաստվում են աշխատել այս ոլորտում։ 

Աշխատաժողովը տեղի կունենա հետևյալ ձևաչափով․

• Դասախոսություններ. կենսաակուստիկայի սկզբունքները և հետազոտության մեթոդաբանությունը
• Սարքավորումների ցուցադրում. դետեկտորների տեղադրման և կարգավորման մանրամասն ուսումնասիրություն
• Ծրագրային լուծումներ. տվյալների ստուգման և տեսակների նույնականացման գործնական աշխատանքներ
• Դաշտային աշխատանք. ամենօրյա գիշերային պարապմունքներ տարբեր բնակավայրերում (քարանձավներ, գետահովիտներ և քաղաքային կանաչապատ տարածքներ

Կարևոր ամսաթվեր

• Գրանցման վերջնաժամկետ՝ ս․թ․ հուլիսի 30
• Սեմինարի ամսաթվեր՝ ս․թ․ հոկտեմբերի 1-4

Մասնակցության վճար (ներառյալ գիշերակաց և սնունդ)՝ 300 եվրո։

Աստղիկ Ղազարյան - ԵՊՀ կենդանաբանության ամբիոնի վարիչ, կ․գ․թ․, դոցենտ

Տիգրան Հայրապետյան - Կաթնասունաբանների հայկական ասոցիացիայի նախագահ

Տաթևիկ Հարությունյան - ԵՊՀ կրտսեր գիտաշխատող