«AI Conf 2026» Հայաստանի արհեստական բանականության ոլորտի առաջատար համաժողովը կանցկացվի արդեն 4-րդ անգամ: Այն կազմակերպվում է Երևանի պետական համալսարանի (ԵՊՀ), «Krisp» ընկերության, «Առաջատար տեխնոլոգիաների ձեռնարկությունների միության», «Երևանէն» գիտակրթական հիմնադրամի համագործակցությամբ:

«AI Conf 2026» համաժողովի առաքելությունն է խթանել ուսանողների և երիտասարդ հետազոտողների ներգրավվածությունը GPU-ի վրա հիմնված հաշվարկների ոլորտում։ 

Համաժողովը նպատակ ունի ցուցադրելու այն բացառիկ ռեսուրսներն ու տեխնոլոգիական հնարավորությունները, որոնք այսօր հասանելի են թե՛ Հայաստանում, թե՛ միջազգային հարթակներում՝ հիմք ստեղծելով հետազոտողների նոր սերնդի ձևավորման համար:

Հրավիրված հատուկ ելույթներով հանդես կգան ոլորտի համաշխարհային առաջատարներ.

• Ռև Լեբարեդյան – «NVIDIA» ընկերության փոխնախագահ

• Արմեն Աղաջանյան – «Perceptron» ընկերության հիմնադիր (նախկինում՝ «Meta AI»-ի հետազոտական խմբերի ղեկավար)

Ելույթներով և պանելային քննարկման մասնակցությամբ հանդես կգան ՀՀ Բարձր տեխնոլոգիաների և արդյունաբերության նախարարության, ԿԳՄՍՆ ԲԿԳԿ, ԵՊՀ, «Krisp», «Firebird», «Nvidia», «Getin», «Async» («Podcastle»), «Metric», «CAST», «Eleveight AI», «ServiceTitan», «Picsart», «AUA», «ACA», «Tumo» «ռեԱրմենիա», «FAST», «CSIE»/ՀՊՃՀ ներկայացուցիչները:

Մասնակցություն 

Համաժողովին մասնակցելու համար գրանցումը պարտադիր է: 

Մասնակցությունն անվճար է։ 

Տեղերը սահմանափակ են, ուստի խնդրում ենք գրանցվել նախապես՝ անցնելով հետևյալ հղումով:
 

Հովանավորներ և գործընկերներ

Միջոցառման հովանավորներն են՝ «Krisp», «Eleveight AI»: Միջոցառման կազմակերպմանն աջակցում են մեր գործընկերներ` «Firebird», «PMI Science Armenia», «Formula VC»: