Երևանի պետական համալսարանում, կրթական գործընթացներին զուգահեռ, մեծ ուշադրություն է դարձվում նաև ուսանողների արտալսարանային կյանքին:
ՀՀ անկախության վերջին շրջանում ԵՊՀ մշակութային կյանքը նոր վերելք ապրեց. 2006 թ․ հունիսին ԵՊՀ գիտական խորհրդի որոշմամբ ստեղծվեց Մշակույթի կենտրոնը, որի առաջնահերթ նպատակն էր բուհի մշակութային կյանքի, համալսարանականների շրջանում անցկացվող մշակութային միջոցառումների համակարգումը, ինչպես նաև ԵՊՀ-ում գործող կառույցների կազմակերպած միջոցառումների համախմբումն ու դրանց որակական չափանիշների ապահովումը: Այս նպատակներն իրականացնելու համար արհեստավարժ ղեկավարների միջոցով կազմավորվեցին մշակութային բազմաբնույթ համույթներ, որոնց աշխատանքներում ներգրավվեցին ստեղծագործող և շնորհալի ուսանողներ, դասախոսներ:
Թատրոն-ստուդիա ընդունվելու համար ուսանողները մասնակցում են հատուկ մրցույթ-ստուգատեսի, որի ժամանակ ընտրվում են դերասանական ձիրք ունեցող ուսանողները:
«Համալսարանական» թատրոն-ստուդիայի գեղարվեստական ղեկավարն է Գայանե Եղիազարյանը:
Երգչախումբն իր գործունեության ընթացքում ներկայացրել է շուրջ վեց տասնյակ երգեր: ԵՊՀ երգչախմբի պարապմունքներին մասնակցում են համալսարանի տարբեր ֆակուլտետների ուսանողներ։
ԵՊՀ երգչախմբի խմբավարն է Ռուբեն Կարասեֆերյանը, իսկ գեղարվեստական ղեկավարը՝ ՀՀ վաստակավոր արտիստ Կարեն Սարգսյանը:
Պարային համույթում ընդգրկվելու համար ուսանողները մասնակցում են մրցույթ-ստուգատեսների, որոնց արդյունքում ընտրվում են պարային ունակություններ ունեցող ուսանողները:
ԵՊՀ պարային համույթի գեղարվեստական ղեկավարն է Անի Հարոյանը:
Խմբի պարապմունքները տեղի են ունենում շաբաթական երկու օր՝ 2 ժամ տևողությամբ:
Բենդի գեղարվեստական ղեկավարն է Արթուր Հակոբյանը։
Հաշվի առնելով կինոյի ազդեցության մեծ ուժը նոր սերնդին մշակութային բարձր ճաշակ թելադրելու գործում և այն հանգամանքը, որ ներկայում թյուրըմբռնում կա կինոյի վերաբերյալ՝ ԵՊՀ Շառլ Ազնավուրի անվան մշակույթի կենտրոնը 2009 թ. ստեղծեց Կինոակումբ, որտեղ հնարավոր կլինի ծանոթանալ կինոյի այնպիսի «գոհարների», որոնք իրական պատկերացում կտան կինոարվեստի ընկալման վերաբերյալ:
Խմբում ընդգրկված են ԵՊՀ տարբեր ֆակուլտետներում սովորող այն ուսանողները, որոնք համաձայնել են կամավոր սկզբունքով աջակցել Մշակույթի կենտրոնի տարատեսակ աշխատանքներին:
Երիտասարդ ստեղծագործողների խմբում ներգրավված են գրականության, կերպարվեստի, լուսանկարչության և կիրառական արվեստի ուղղություններով ստեղծագործող տաղանդավոր ուսանողներ, որոնց ստեղծագործությունները պարբերաբար ներկայացվում են մրցույթներում և փառատոներում: Խմբի գործունեության շրջանակում կազմակերպվում են վարպետության դասեր ոլորտի մասնագետների հետ:
Կենտրոնի տնօրեն՝ Սարգիս Հովսեփյան
Հասցե՝ ԵՊՀ կենտրոնական մասնաշենք, 6-րդ հարկ, 603 սենյակ (601, 602)
Հեռ.՝ (+374 60) 710 183, (+374 60) 710 184 (ներքին՝ 11-83, 11-84)
Էլհասցե՝ culturecenter@ysu.am
