1.ԸՆԴՀԱՆՈՒՐ ԴՐՈՒՅԹՆԵՐ

1. «Երևանի պետական համալսարան» հիմնադրամի (այսուհետ ԵՊՀ) հաշվապահական հաշվառման վարչությունը (այսուհետ` Վարչություն) ԵՊՀ-ի կառուցվածքային ստորաբաժանում է:

2. Վարչություննիր գործունեության ընթացքում ղեկավարվում է «Հաշվապահական հաշվառման մասին» ՀՀ օրենքով, ԵՊՀ-ի կանոնադրությամբ, սույն կանոնադրությամբ, ինչպես նաև վարչության լիազորությունների հետ կապված այլ իրավական ակտերով:

3. Վարչությունը սահմանված կարգով կարող է ունենալ իր անվանմամբ դրոշմակնիք, պաշտոնաթուղթ (բլանկ), խորհրդանիշ և անհատականացման այլ միջոցներ:

4. Վարչության կանոնադրությունը հաստատում, փոփոխում և ուժը կորցրած է ճանաչում ԵՊՀ գիտական խորհուրդը:

5. Վարչության հաստիքացուցակը հաստատվում է ԵՊՀ հոգաբարձուների խորհրդի կողմից ռեկտորի ներկայացմամբ:

2. ՎԱՐՉՈՒԹՅԱՆ ԳՈՐԾԱՌՈՒՅԹՆԵՐԸ ԵՎ ԻՐԱՎԱՍՈՒԹՅՈՒՆԸ

6. Վարչության գործառույթներն են.

1) Հաշվապահական հաշվառման վարումը, ֆինանսական, հարկային, եկամուտների և ծախսերի տարեկան նախահաշվի կատարողականի և հատուկ նպատակի այլ հաշվետվությունների (հաշվարկների) կազմումը:

2) Գույքի առկայության և շարժի, նյութական, աշխատանքային և ֆինանսական միջոցների (ռեսուրսների) օգտագործման նկատմամբ վերահսկողության ապահովումը:

3) Ֆինանսական գործունեության բացասական երևույթների վերհանումը և դրա մասին ղեկավարությանը ժամանակին զգուշացումը, ներտնտեսական ռեսուրսների բացահայտումը և հավաքագրումը:

7. Վարչության իրավասությունն է.

1) Ակտիվների սեփական կապիտալիպարտավորությունների վիճակի ու շարժի, ինչպես նաև գործունեության արդյունքների վերաբերյալ դրամական արտահայտությամբ տեղեկատվության հավաքումը, գրանցումը և ընդհանրացումը տնտեսական գործառնությունների համընդհանուր և անընդհատ փաստաթղթային հաշվառման միջոցով: 

2) Ֆինանսական, հարկային և կառավարչական հաշվառման իրականացումը:

3) Ֆինանսական, հարկային, կառավարչական և հատուկ նպատակի այլ հաշվետվությունների (հաշվարկների) կազմումը, համապատասխան մարմիններին սահմանված կարգով և ժամկետներում ներկայացումը:

4) ԵՊՀ-ի եկամուտների և ծախսերի տարեկան նախահաշվի նախագծի և կատարողականի կազմումը:

5) Փաստաթղթավորման և փաստաթղթաշրջանառության, ներքին վերահսկողական համակարգի, ինչպես նաև կառավարչական հաշվառման համակարգի ներդրման և արդյունավետ վերահսկողության իրականացումը:

3. ՎԱՐՉՈՒԹՅԱՆ ԿԱՌՈՒՑՎԱԾՔԸ, ԳՈՐԾՈՒՆԵՈՒԹՅԱՆԿԱԶՄԱԿԵՐՊՈՒՄԸ ԵՎ ՂԵԿԱՎԱՐՈՒՄԸ

8. Վարչության կառուցվածքը ներկայացված է սույն կանոնադրության հավելվածում:

9. Վարչության աշխատողների աշխատանքային պարտականությունները սահմանվում են աշխատանքային պայմանագրով, պաշտոնի անձնագրով (աշխատանքի նկարագրով), ԵՊՀ կոլեկտիվ պայմանագրով, ԵՊՀ ներքին իրավական ակտերով և գլխավոր հաշվապահի հանձնարարականներով: Աշխատանքային պարտականությունների կատարումից ԵՊՀ-ին գույքային (նյութական) վնաս պատճառելու դեպքում աշխատողները կրում են լիակատար գույքային և անձնական պատասխանատվություն:

10. Վարչությունը ղեկավարում է վարչության պետ-գլխավոր հաշվապահը, ում պաշտոնի նշանակում և պաշտո­նից ազա­տում է ԵՊՀ ռեկտորը:

11. Վարչության պետ-գլխավոր հաշվապահը ՝

1) Կազմակերպում և վերահսկում է վարչության գոր­ծու­նեութ­յու­նը, ապահովում է վարչահության հիմնական գործառույթների իրականացումը, լուծում դրանից բխող հիմնախնդիրները, աշխատողներին տալիս հա­մապատասխան ցուցումներ և հանձնարարականներ, ապահովում է այլ ստորաբաժանումների հետ վարչության փոխհամագործակցությունը:

2) Կատարում է աշխատանքի բաժանում վարչահության աշխատողների միջև:

3) Սահմանված կարգով տնօ­րի­նում է վարչությանը հատ­կաց­ված ֆի­նան­սա­կան մի­ջոց­նե­րը:

4) Ներկայացնում է վարչությունը ներհամալսարանական և արտահամալսարան­ական հարաբերություններում, վարչության անունից հանդես է գալիս պետական մարմիններում և այլ կազմակերպություններում:

5) Կազմում և ներկայացնում է ֆինանսական, հարկային և այլ հաշվետվություններ:

6) Պատասխանատվություն է կրում վարչության կողմից իրականացվող աշ­խատանքների որակի և վարչության առջև դրված խնդիրների պատշաճ և արդյունավետ լուծման համար:

7) Լու­ծում է սույն կա­նո­նադրությունից բխող և վարչության գոր­ծու­նեութ­յան հետ կապ­ված այլ հար­ցեր:

4. ԵԶՐԱՓԱԿԻՉ ԴՐՈՒՅԹՆԵՐ

12. Վարչության վերակազմակերպումը կամ լուծարումն իրականացվում է ԵՊՀ-ի կանոնադրությամբ և ներքին իրավական ակտերով սահմանված կարգով:

13. Սույն կանոնադրության մեջ փոփոխություններն ու լրացումները կատարվում են ԵՊՀ-ի գիտական խորհրդի կողմից՝ ԵՊՀ-ի կանոնադրությամբ և ներքին իրավական ակտերով սահմանված կարգով:

ՀԱՎԵԼՎԱԾ

ԵՊՀ ՀԱՇՎԱՊԱՀԱԿԱՆ ՀԱՇՎԱՌՄԱՆ ՎԱՐՉՈՒԹՅԱՆ ԿԱՌՈՒՑՎԱԾՔԸ

Վարչության կազմում ներառված են հետևյալ բաժինները.

1) Հաշվետվությունների և վերահսկման բաժինը,

2) Հաշվառման բաժինը: