Ֆորումի ընթացքում հնարավորություն կլինի՝

• քննարկելու ԵՊՀ-համայնք կապի ամրապնդման ու զարգացման ծրագրեր,

• խոսելու տարբեր ոլորտների արդի միտումների ու մարտահրավերների մասին,

• ծանոթանալու շրջանավարտների մասնագիտական ճանապարհին,

• վերահաստատելու կապը համալսարանի հետ և դառնալու նոր նախաձեռնությունների մաս։

Սա հանդիպում է, որտեղ՝

• գաղափարները վերածվում են կապերի,

• փորձը՝ ոգեշնչման,

• իսկ ծանոթությունները՝ նոր համագործակցությունների։

Միտք և երկխոսություն

Բացահայտե՛ք նոր գաղափարներ և մասնակցե՛ք ակտիվ երկխոսության:

Սա բաց քննարկումների և մտքերի փոխանակման միջավայր է։ Լինելու են՝

• Պանելային քննարկումներ. արդիական խնդիրների վերլուծություն՝ չորս առանցքային ոլորտային ուղղություններով։
   
• Թեմատիկ քննարկումներ. երկխոսություն կրթության, գիտության, ենթակառուցվածքների և հանրային պատասխանատվության շուրջ՝ ուղղված ԵՊՀ-շրջանավարտ կապի ամրապնդմանն ու զարգացմանը։
   
• Գաղափարների հավաքագրում. ինտերակտիվ սեսիաներ, որտեղ ձեր առաջարկները կարող են հիմք դառնալ հետագա համատեղ նախագծերի իրականացման համար։

ԵՊՀ շրջանավարտների ֆորումի տարբերանշանը, որը ստեղծվել է ԵՊՀ տարբերանշանի տրամաբանությամբ, միաժամանակ խորհրդանշում է շրջանավարտների՝ համալսարանում անցած ուղին, ավարտն ու նոր սկիզբը։

Տարբերանշանի կլոր ձևը խորհրդանշում է «շրջանը»՝ ուսումնառության փուլը, որն իր ամբողջականությամբ ներկայացնում է համալսարանական կյանքի ամբողջ ճանապարհը։ Վերջակետը խորհրդանշում է ուսումնառության փուլի ավարտը, իսկ սլաքը միաժամանակ ցույց է տալիս համալսարանի հետ անցնող ճանապարհի շարունակականության հնարավորությունը։