Այս բաժինը միավորում է ֆորումի այն ձևաչափերը, որոնք նպաստում են համալսարանական կապերի ամրապնդմանը, ձեռքբերումների արժևորմանը և նոր համագործակցությունների ձևավորմանը։ Վիրտուալ շրջայցը մասնակիցներին հնարավորություն կտա նորովի բացահայտելու համալսարանական միջավայրը, շրջանավարտների գերազանցության մրցանակները՝ գնահատելու համայնքի լավագույն ներկայացուցիչների ներդրումը, իսկ ընդունելությունն ու ազատ շփման հատվածները կստեղծեն ջերմ և բաց միջավայր՝ նոր կապերի ստեղծման հնարավորությամբ և հետագա համատեղ նախաձեռնությունների ձևավորմամբ։ Այս բաժնի նպատակն է, որ ֆորումը դառնա ոչ միայն հանդիպման, այլև ճանաչման, վերամիավորման և շարունակական համագործակցության իրական հարթակ։

Վիրտուալ շրջայցի միջոցով մասնակիցները մեծ էկրանին կհետևեն առաջին դեմքի դիտանկյունով նկարահանված հոլովակին՝ կարծես իրենք են շրջում համալսարանում։ Այս ձևաչափը հնարավորություն կտա նորովի բացահայտելու համալսարանական միջավայրը և տեսնելու վերջին տարիներին տեղի ունեցած փոփոխություններն ու զարգացումները։

Շրջանավարտների գերազանցության մրցանակները միտված են արժևորելու ԵՊՀ այն շրջանավարտների ձեռքբերումներն ու ներդրումը, որոնք իրենց մասնագիտական գործունեությամբ, հանրային գործունեությամբ և պատասխանատու ներգրավվածությամբ նշանակալի ավանդ են ունեցել՝ շարունակելով բարձր պահել համալսարանի անունն ու հեղինակությունը։

Ֆորումի ընթացքում ընդունելությունն ու հյուրասիրությունը կստեղծեն ջերմ և բաց միջավայր՝ ֆորումի մասնակիցներին հնարավորություն տալով շարունակելու զրույցները ոչ պաշտոնական ձևաչափով, ծանոթանալու միմյանց փորձին և ձևավորելու համագործակցության նոր հնարավորություններ։ Այս նպատակով անցկացվելիք միջոցառումները ֆորումը կդարձնեն ոչ միայն հանդիպման, այլև հարաբերությունների, վստահության և ապագա համագործակցությունների ձևավորման հարթակ։