Մայիսի 16-ին ԵՊՀ-ն դարձավ 107 տարեկան, և հենց այդ օրը համալսարանական մեծ ընտանիքը կրկին համախմբվեց ԵՊՀ-ում՝ «Շրջանավարտների ֆորում-2026»-ի շրջանակում։
Ֆորումը միավորեց տարբեր տարիների շրջանավարտներին, դասախոսներին, ուսանողներին և գործընկերներին՝ խոսելու ոչ միայն համալսարանական հիշողությունների, այլև ԵՊՀ ապագայի, համագործակցության նոր ձևաչափերի և համալսարանի զարգացման գործում շրջանավարտների իրական մասնակցության մասին։
Օրվա ընթացքում հնչեցին գաղափարներ, ձևակերպվեցին առաջարկներ, ստեղծվեցին նոր կապեր և արձանագրվեցին հանձնառություններ, որոնք կարող են դառնալ շարունակական համագործակցության հիմք։
ԵՊՀ-ն կապ է, որը չի ավարտվում ավարտական վկայականով։
ԵՊՀ-ն համայնք է, որ շարունակում է ստեղծել, միավորել և առաջ շարժվել։
ԵՊՀ-ն այն վայրն է, որտեղից սկսվել են հազարավոր պատմություններ, ընկերություններ, մասնագիտական ուղիներ ու հիշողություններ։ Այս վիրտուալ տեսանյութը հրավեր է շրջանավարտներին՝ վերադառնալու համալսարան, նորից անցնելու ծանոթ միջանցքներով, տեսնելու արդեն նորացված ու զարգացող միջավայրը և բացահայտելու ԵՊՀ-ն նաև այսօրվա տեսանկյունից։
Տեսանյութում ներկայացված են ԵՊՀ մի շարք տարածքներ և հնարավորություններ, որոնք հիշեցնում են համալսարանական տարիների մասին և միաժամանակ ցույց տալիս՝ ինչպես է համալսարանը շարունակում զարգանալ։
Հանդիպում մեկ տանիքի տակ. կայացավ ԵՊՀ շրջանավարտների ֆորումը
ԵՊՀ մեծ դահլիճում մեկնարկեց Շրջանավարտների ֆորումի պաշտոնական բացման արարողությունը. բեմից հնչեցին «Բարի վերադարձ, սիրելի՛ շրջանավարտներ» խոսքերը, որոնք անմիջապես ջնջեցին տարիների հեռավորությունը՝ դահլիճը լցնելով վերադարձի ու նորից համալսարանին միավորվելու զգացումով։ Հին լսարաններից, քննությունների լարված օրերից և ուսանողական տարիներից եկած պատմությունները մի պահ կրկին միավորեցին ԵՊՀ երբեմնի ուսանողներին։ Օրը խորհրդանշական էր. ԵՊՀ հիմնադրման 107-ամյակն էր, և հենց այդ օրը ԵՊՀ վերադարձած տարբեր սերունդների շրջանավարտները եկել էին շնորհավորելու, շփվելու, խոսելու ու քննարկելու՝ իրենց հետ բերելով ոչ միայն հիշողություններ, այլև նոր գաղափարներ ու կապեր, որոնք ևս մեկ անգամ միավորեցին համալսարանը իր մեծ համայնքի հետ։
Մոտենում է ԵՊՀ շրջանավարտների ֆորումը. ի՞նչ սպասել և ինչո՞ւ մասնակցել
Մայիսի 16-ին՝ Երևանի պետական համալսարանի հիմնադրման օրը, մայր բուհը կրկին կդառնա տարբեր սերունդների շրջանավարտների հանդիպման, գաղափարների փոխանակման և նոր համագործակցությունների ձևավորման հարթակ։ ԵՊՀ շրջանավարտների ֆորումը այս տարի ներկայանալու է նոր՝ ավելի ինտերակտիվ ձևաչափով՝ համադրելով մասնագիտական քննարկումները, փորձի փոխանակումն ու ոչ ֆորմալ շփման միջավայրը։ Սպասվող ֆորումի ձևաչափային նորությունների, քննարկումների թեմաների և ԵՊՀ համայնքի համար նախաձեռնության կարևորության մասին զրուցել ենք ԵՊՀ շրջանավարտների և կարիերայի կենտրոնի տնօրեն Աստղիկ Մնացականյանի հետ։
ԵՊՀ շրջանավարտների ֆորումի ժամանակ կարող է հնչել նաև ձեր պատմությունը։
Միացե՛ք «ՀարցՈՒՓորձ»-ին, ընտրե՛ք քարտ և պատասխանե՛ք այնտեղ զետեղված հարցերին՝ կիսվելով ձեր համալսարանական հիշողություններով, փորձով ու անցած ճանապարհով։
Քարտերն ունեն հետևյալ խորագրերը՝
ԵՊՀ-ն իմ հիշողության մեջ
ԵՊՀ-ն իմ մասնագիտական ճանապարհին
Ես՝ որպես ԵՊՀ շրջանավարտ
Եկե՛ք միասին վերհիշենք, պատմենք ու վերապրենք համալսարանական տարիները։
ԵՊՀ շրջանավարտների ֆորումի օրը այս երեք ձևակերպումները դառնալու են մասնակցային կարևոր հարթակ։
Հատուկ այս նպատակով ստեղծվել է «Գաղափարների պատ»՝ ԵՊՀ տառերի տեսքով, որտեղ օրվա ընթացքում հնչած մտքերը, առաջարկներն ու քննարկումների արդյունքները կվերածվեն տեսանելի գաղափարների և անձնական հանձնառությունների։
Յուրաքանչյուր մասնակից հնարավորություն կունենա արձանագրելու՝
Երազում եմ՝ ինչպիսի ԵՊՀ է պատկերացնում ապագայում,
Պլանավորում եմ՝ ինչ ներդրում կարող է ունենալ համալսարանի զարգացման գործում,
Հանձնառում եմ՝ ինչ կոնկրետ քայլ է պատրաստ անելու առաջիկա մեկ տարվա ընթացքում։
Այս ձևաչափը ոչ միայն խոսելու, այլև խոսքը գործողության վերածելու մասին է։
Մայիսի 16-ին ԵՊՀ-ում միասին ձևակերպելու ենք այն գաղափարները, որոնք կարող են դառնալ համալսարան-շրջանավարտ համագործակցության նոր սկիզբը։
Սովորե՛ք լավագույններից և գտե՛ք ձեր հաջողության բանաձևը
Մայիսի 16-ին կայանալիք ԵՊՀ շրջանավարտների ֆորումի շրջանակում «Ինչո՞ւ ենք մենք մի քիչ սնոբ» խորագրով բանախոսությամբ հանդես կգա «Armenian Tree Project»-ի ռազմավարական գործընկերությունների և ազդեցության հարցերով տնօրեն, ԵՊՀ շրջանավարտ Մարինա Մխիթարյանը։
ԵՊՀ շրջանավարտների բանախոսությունները հնարավորություն կընձեռեն ուսանողներին և երիտասարդ մասնագետներին լսելու փորձառու մասնագետների դիտարկումները, մասնակցելու բաց քննարկումների և նոր տեսանկյունից վերաիմաստավորելու հասարակության շրջանում տարածված պատկերացումները։
Կառուցելով կամուրջներ. համալսարանից մինչև դիվանագիտություն
Համալսարանական կրթությունն այն հիմնաքարն է, որի շնորհիվ կերտվում է մասնագիտական ուղին: ԵՊՀ-ում ձևավորված հիմնարար գիտելիքները, արժեքները, «սովորել սովորելու» մշակույթը և նոր տեխնոլոգիաները միավորվում են՝ ձևավորելով նոր տիպի մասնագետ, որը կարողանում է կողմնորոշվել արագ փոփոխվող միջավայրում, հաղթահարել ճգնաժամերը և ձևավորել մասնագիտական ուժեղ համայնք։
Ինչպե՞ս շրջանավարտի փորձը, կապերը, մասնագիտական գիտելիքն ու պատրաստակամությունը կարող են վերածվել ԵՊՀ զարգացման իրական ռեսուրսի
Այս տարվա ֆորումի կարևոր բաղադրիչներից են «ԵՊՀ–համայնք համագործակցություն» խորագրով թեմատիկ քննարկումները, որոնց նպատակն է ոչ միայն խոսել համագործակցության մասին, այլև ձևակերպել գործնական առաջարկներ և երկարաժամկետ լուծումներ։
ԵՊՀ մաթեմատիկական և կիրառական հետազոտությունների կենտրոնի մեքենայական ուսուցման լաբորատորիայի խմբի ղեկավար, «YerevaNN» լաբորատորիայի ղեկավար, ԵՊՀ շրջանավարտների ֆորումի շրջանակում «ԵՊՀ նորարարական էկոհամակարգի զարգացման հնարավորություններն ու մարտահրավերները» խորագրով պանելային քննարկման մոդերատոր Հրանտ Խաչատրյանը հրավիրում է մասնակցելու մայիսի 16-ին կայանալիք ԵՊՀ շրջանավարտների ֆորումին։
ԵՊՀ շրջանավարտների ֆորումը համալսարանական համայնքի համար ունի առանձնահատուկ նշանակություն. այն վերածվում է հաղորդակցության և համագործակցության բաց հարթակի, որը միավորում է ԵՊՀ տարբեր սերունդների շրջանավարտներին՝ մեկտեղելով նրանց փորձը, գաղափարներն ու կապերը։
«ԶրուցԱրագ»․ երկխոսություն ուսանողների և շրջանավարտների միջև
Ինչպե՞ս մի քանի րոպեում ծանոթանալ նոր մարդկանց հետ, բացահայտել մասնագիտական հնարավորություններ և գտնել համագործակցության նոր կապեր։
ԵՊՀ շրջանավարտների ֆորումի շրջանակում տեղի կունենա «ԶրուցԱրագ» ձևաչափով հանդիպում՝ ուսանողների և շրջանավարտների մասնակցությամբ։
Սա կարճ, դինամիկ և անմիջական զրույցների ձևաչափ է, որի ընթացքում մասնակիցները սահմանված ժամանակում կկարողանան ներկայացնել իրենց, խոսել մասնագիտական ճանապարհի, փորձի, հետաքրքրությունների և հնարավոր համագործակցության ուղղությունների մասին։
«ԶրուցԱրագ»-ի նպատակն է՝
փորձի փոխանակում ուսանողների և շրջանավարտների միջև,
ԵՊՀ շրջանավարտների պատմությունները համալսարանի շարունակվող պատմության մասն են
Այդ պատմություններից մեկն էլ Լուսինե Սարգսյանինն է՝ ԵՊՀ իրավագիտության ֆակուլտետի շրջանավարտ,ՄԱԿ-ի բնակչության հիմնադրամի հայաստանյան գրասենյակի ղեկավար, որը 2025 թվականին «Տնտեսություն և հասարակություն» անվանակարգում ճանաչվել է լավագույն շրջանավարտ։
Այս տարի նա իր ուղերձով միանում է ԵՊՀ շրջանավարտների ֆորումի հրավերին։
«ԵՊՀ նորարարական էկոհամակարգի զարգացման հնարավորություններն ու մարտահրավերները»․ պանելային քննարկում
Նորարարական էկոհամակարգի ձևավորումը ԵՊՀ զարգացման կարևոր ուղղություններից է․ այն հնարավորություն է տալիս համալսարանական գիտելիքը, հետազոտական ներուժն ու ստեղծարար գաղափարները վերածելու կիրառելի լուծումների։
Քննարկումը միտված է ոչ միայն հնարավորությունների և մարտահրավերների վերհանմանը, այլև գործնական գաղափարների ձևավորմանը, որոնք կարող են նպաստել ԵՊՀ-ում նոր ծրագրերի, համագործակցությունների և նորարարական նախաձեռնությունների զարգացմանը։
«COP-17. Հայաստանը գլոբալ բնապահպանական օրակարգի կենտրոնում. ակադեմիական համայնքի առաջնահերթությունները»․ պանելային քննարկում
Հայաստանը գլոբալ բնապահպանական օրակարգի կենտրոնում է, և այս համատեքստում կարևոր է հասկանալ՝ ինչ նշանակություն ունի «COP-17»-ը աշխարհի, Հայաստանի և հատկապես ակադեմիական համայնքի համար։
Քննարկումը միտված է ոչ միայն խնդիրների ու առաջնահերթությունների վերհանմանը, այլև գործնական գաղափարների ձևավորմանը, որոնք կարող են վերածվել նոր ծրագրերի, համագործակցությունների և համալսարանական նախաձեռնությունների։
«Կրթության փոխակերպումներ. ինչպե՞ս է ժամանակակից աշխարհը վերաիմաստավորում կրթությունը»․ պանելային քննարկում
Ժամանակակից աշխարհը արագ փոխվում է, և այդ փոփոխությունների կենտրոնում կրթությունն է՝ իր բովանդակությամբ, ձևաչափերով, մեթոդներով ու նպատակներով։
Քննարկումը չի սահմանափակվելու միայն հարցեր բարձրացնելով։ Այն միտված է դառնալու գաղափարների փոխանակման հարթակ, որտեղ կրթության ապագայի մասին խոսակցությունը կարող է վերածվել նոր ծրագրերի, համագործակցությունների և համալսարանական նախաձեռնությունների։
