Աշխատարան Լինն Մեսկելի հետ

Ս.թ. սեպտեմբերի 22-ին` ժամը 14:30-ին, ԵՊՀ փիլիսոփայության և հոգեբանության ֆակուլտետում Պատմության փիլիսոփայության և տեսության լաբորատորիայի նախաձեռնությամբ կմեկնարկի «Աշխատարան Լինն Մեսկելի հետ» աշխատաժողովը:

Երկօրյա աշխատարանը կվարի Փենսիլվանիայի համալսարանի (ԱՄՆ) պրոֆեսոր, հնագետ և մարդաբան Լինն Մեսկելը, որի գիտական գործունեությունը միավորում է հնագիտությունը, ժառանգության ուսումնասիրությունները, սոցիալական և քաղաքական մարդաբանությունը, հետգաղութատիրական տեսությունները:

Աշխատարանը տեղի կունենա.

• 22.09.2026-ին՝ 14:30–16:00-ն,

• 23.09.2026-ին՝ 14:30–16:00-ն:

Քննարկման թեմաներն են.

• Օր առաջին՝ «Պատերազմ և անվտանգություն. ժառանգության հակամարտությունն ու ՄԱԿ-ի խորհուրդը», 

• Օր երկրորդ՝ «Փրկելով աշխարհը վանդալիզմի համատեքստում»:

Մասնակիցներին նախապես կտրամադրվեն հոդվածներ և աղբյուրներ, որոնց ընթերցումը կնպաստի քննարկումների արդյունավետությանը:

Մասնակցության հայտը անհրաժեշտ է լրացնել մինչև ս.թ. սեպտեմբերի 16-ը:

Գրանցումը՝ այստեղ:

Աշխատանքային լեզուն անգլերենն է:

Աշխատարանի ավարտին կտրվեն մասնակցության հավաստագրեր: