«Տարածական ուսումնասիրությունների և քաղաքային ինֆորմատիկայի կենտրոն» հայ–ճապոնական ծրագրի պաշտոնական մեկնարկը ԵՊՀ-ում

Ս.թ. սեպտեմբերի 11-ին՝ ժամը 14։00-ին, ԵՊՀ գիտխորհրդի նիստերի դահլիճում Աշխարհագրության և երկրաբանության ֆակուլտետի քարտեզագրության և գեոմորֆոլոգիայի ամբիոնի նախաձեռնությամբ տեղի կունենա «Տարածական ուսումնասիրությունների և քաղաքային ինֆորմատիկայի կենտրոնի» (SSUI) հայ-ճապոնական ծրագրի մեկնարկային միջոցառումը: 

Միջոցառմանը ելույթներ կունենան ծրագրի արտասահմանյան ղեկավարները՝ Տոկիոյի համալսարանի պրոֆեսոր Յոշիհիդե Սեկիմոտոն և պրոֆեսոր Կոտարո Իիզուկան։ Հետայդու Տոկիոյի համալսարանի ուսանողներն ու ասպիրանտները կներկայացնեն Երևան քաղաքի վերաբերյալ մի շարք հետազոտական նախագծերի արդյունքներ։

Գրանցվելու համար անհրաժեշտ է անցնել հետևյալ հղումով։