«Կլիմայի փոփոխություն, արդարություն և մարդու իրավունքներ» խորագրով միջազգային եռօրյա գիտաժողով ԵՊՀ-ում

Ս.թ. ապրիլի 15-ին՝ ժամը 10:00-ին, ԵՊՀ գիտական խորհրդի նիստերի դահլիճում կմեկնարկի «Կլիմայի փոփոխություն, արդարություն և մարդու իրավունքներ» խորագրով միջազգային եռօրյա գիտաժողովը:

Գիտաժողովը կազմակերպում է ԵՊՀ եվրոպական ուսումնասիրությունների կենտրոնը («Գլոբալ կամպուս Կովկասի»)՝ «Գլոբալ կամպուս Կենտրոնական Ասիայի» և Ժան Մոնեի «Ժողովրդավարություն, մարդու իրավունքներ և անվտանգություն» եվրոպական հետազոտությունների գերազանցության կենտրոնի (DeHuRiS, ԵՈւԿ) հետ համագործակցությամբ «Right Livelihood» հիմնադրամի «Կլիմա և հակամարտություններ. հատուցում և կանխարգելում» ծրագրի շրջանակում։

Գիտաժողովը տեղի կունենա.

• 15.04.2026-ին՝ ժամը 10:00-15:45-ը,

• 16.04.2026-ին՝ ժամը 9:30-17:00-ն,

• 17.04.2026-ին՝ ժամը 10:00-15:30-ը:

Աշխատանքային լեզուներն են հայերենը և անգլերենը՝ համաժամանակյա թարգմանությամբ։

Թեմատիկ ուղղություններն են.

1. Կլիմայի փոփոխություն, շրջակա միջավայրի աստիճանական վատթարացում (դեգրադացիա) և մարդու իրավունքներ

2. Կլիմայական արդարություն, հաշվետվողականություն և կառավարում

3. Կլիմայի փոփոխություն, անվտանգություն և հակամարտությունների կանխարգելում

4. Տարածաշրջանային և միջազգային գործողությունները կլիմայի ոլորտում

5. Միջսերնդային արդարություն և ապագային միտված կառավարում