«Պատմության ուսուցիչները և պատմագիտության ապագան» խորագրով ուսուցչական աշխատաժողով ԵՊՀ պատմության ֆակուլտետում

Ս.թ. մայիսի 30-ին և 31-ին ԵՊՀ պատմության ֆակուլտետում կկայանա «Պատմության ուսուցիչները և պատմագիտության ապագան» խորագրով ուսուցչական աշխատաժողով: Միջոցառումը նպատակ ունի վերարժևորելու հանրակրթական և բուհական պատմագիտության կապերը, անդրադառնալու պատմության դասավանդման արդի մարտահրավերներին, ինչպես նաև խթանելու բուհի և դպրոցների միջև գիտակրթական երկխոսությունը:

Աշխատաժողովին զեկուցումներով հանդես կգան ԵՊՀ պատմության ֆակուլտետի պրոֆեսորադասախոսական համակազմի ներկայացուցիչներ և ոլորտի հրավիրյալ մասնագետներ: Աշխատաժողովին կմասնակցեն Երևանի և ՀՀ մարզերի դպրոցների շուրջ 50 ուսուցիչներ:

Միջոցառման տևողությունը.

• 30.05.2025-ին՝ 11.00-17.00-ն,

• 31.05.2025-ին՝ 10.00-14.00-ն:

Աշխատաժողովի օրակարգը՝ այստեղ: