Ժուռնալիստիկայի պատմության, տեսության ու պրակտիկայի ամբիոն

Ամբիոնը հիմնադրվել է 1999 թ.: Նախ՝ կոչվել է Մամուլի պատմության և տեսության, ապա՝ Նոր մեդիայի և հաղորդակցության ամբիոն (2017 թ.): 2025 թ. սեպտեմբերին ԵՊՀ հոգաբարձուների խորհրդի որոշմամբ վերանվանվել է Ժուռնալիստիկայի պատմության, տեսության ու պրակտիկայի ամբիոն: 2007 թվականից  ամբիոնի վարիչն է բ. գ. դ., պրոֆեսոր Դավիթ Պետրոսյանը։

Ամբիոնում աշխատում են ինչպես գիտամանկավարժական հարուստ փորձ ունեցող, այնպես էլ երիտասարդ դասախոսներ, որոնք հեղինակել և հեղինակում են մենագրություններ, ուսումնամեթոդական ձեռնարկներ, գիտական հոդվածներ: Դասախոսների մի մասը ներգրավված է միջազգային ու տեղական դրամաշնորհային ծրագրերում:

Ամբիոնի նպատակն է ապահովել ֆակուլտետի կրթական գործընթացը, պատրաստել ժուռնալիստիկայի պատմության, տեսության գիտական իմացությամբ և գործնական հմտություններ ունեցող շրջանավարտներ: 

Ամբիոնն իրականացնում է ժուռնալիստիկայի պատմությանն ու տեսությանը նվիրված հետազոտություններ, նպաստում պրակտիկ հմտությունների զարգացմանը, պարբերաբար թարմացնում կրթական դասընթացները՝ կիրառելով ժամանակակից մեթոդներ և տեխնոլոգիաներ: Տարբեր ձևաչափերով շարունակվում է համագործակցությունը արտերկրի առաջատար մի շարք համալսարանների համանուն ամբիոնների և կենտրոնների, ՀՀ-ում գործող առաջատար ԶԼՄ-ների և լրագրողական կառույցների  հետ։

Ամբիոնում իրականացվում են «Լրագրություն» (առկա, հեռակա) բակալավրի, «Հեռուստարագրություն» (առկա)  մագիստրոսական կրթական ծրագրերը: