ԵՊՀ սոցիոլոգիայի ֆակուլտետն ուրախությամբ հրավիրում է Ձեզ մասնակցելու ԵՊՀ հեռակա ուսուցման լաբորատորիայի 20-ամյակին և Հայաստանի սոցիալական աշխատողների ասոցիացիայի 20-ամյակին նվիրված «Կրթությունը և հետազոտությունները թվային դարաշրջանի հասարակություններում» խորագրով միջազգային կոնֆերանսին՝ նվիրված հասարակության մեջ կրթության, հետազոտությունների և թվային վերափոխումների հատվող ուղիների մասին։ Ուրախությամբ տեղեկացնում ենք, որ գլխավոր զեկուցումը կներկայացնի Օքլենդի համալսարանի (Ռոչեսթեր, Միչիգան) ճարտարագիտության պրոֆեսոր Բարբարա Օքլին, ով առաջինն է՝ «Կորսերա» առցանց ուսուցման հարթակի կողմից արժանացել «Նորարարության ուսուցիչ» պատվավոր կոչմանը։
Ամսաթիվ՝ նոյեմբերի 4-5, 2025 թ․
Վայր՝ ԵՊՀ, Ալեք Մանուկյան 1, Երևան, Հայաստան
Աշխատանքային լեզու՝ անգլերեն
Մասնակցության և ամփոփագրերի ներկայացման մանրամասներ.
Մասնակցությունն անվճար է
Դասավանդող մասնագետները, գործող մասնագետները և ուսանողները կարող են ներկայացնել ամփոփագրեր
Ճանապարհորդության և կացության ծախսերը հոգում է մասնակիցը
Ամփոփագրերի ներկայացման պահանջները՝
Ամփոփագրերը պետք է գրված լինեն անգլերենով (մինչև 300 բառ), պարունակեն 3-5 բանալի բառ և ներկայացվեն Word ֆայլով։
Ամփոփագրերը անհրաժեշտ է ուղարկել հետևյալ էլեկտրոնային հասցեներին՝ sociology@ysu.am, nvard.melkonyan@ysu.am։
Վերնագրի դաշտում անհրաժեշտ է նշել «Conference – Dig»։
Ամփոփագրերի ներկայացման վերջնաժամկետ՝ ս․թ․ հուլիսի 31։
Կոնֆերանսի համակարգող հանձնաժողովը կգնահատի ներկայացված նյութերը ըստ որակի, նորարարության և արդիականության։ Վերջնական որոշումների մասին հեղինակները կտեղեկացվեն 2025 թվականի սեպտեմբերի 10-ին էլեկտրոնային նամակով։
Յուրաքանչյուր ելույթի համար հատկացվելու է 15 րոպե։
Կոնֆերանսի հանձնաժողովի անդամներ՝
Արթուր Մկրտչյան – amkrtchyan@ysu.am
Արթուր Աթանեսյան – atanesyan@ysu.am
Նվարդ Մելքոնյան – nvard.melkonyan@ysu.am
Արտաշես Խուրշուդյան – artashes.khurshudyan@ysu.am
Ուղարկեք այս հաղորդագրությունը Ձեր հետաքրքրված գործընկերներին։
Սպասում ենք Ձեր արձագանքին։
