Աբովյանագիտական օլիմպիադա

Ս․ թ․ մայիսի 19-ին՝ ժամը 14:30-ին, ԵՊՀ հայ բանասիրության ֆակուլտետում տեղի կունենա աբովյանագիտական օլիմպիադա՝ նվիրված Խ. Աբովյանի «Վերք Հայաստանի» վեպի ստեղծման 185-ամյակին: Օլիմպիադան կազմակերպել են Խաչատուր Աբովյանի տուն-թանգարանը, ԵՊՀ հայ բանասիրության ֆակուլտետը, Կրթության զարգացման և նորարարությունների ազգային կենտրոնը (ԿԶՆԱԿ):

Օլիմպիադային կարող են մասնակցել Երևանի դպրոցների աշակերտները. յուրաքանչյուր դպրոցից՝ երեքական աշակերտից բաղկացած թիմ:

Օլիմպիադան կանցկացվի թեստային ձևաչափով. թեստը բաղկացած կլինի 40 հարցից՝ 30 ընտրովի և 10 կարճ պատասխան պահանջող: 

Օլիմպիադան ևս մեկ առիթ է անդրադառնալու, վերլուծելու և արժևորելու մեծ լուսավորչի անմահ վեպը: