Նոր հմտություններ՝ առավել արդյունավետ աշխատանքի համար․ դասընթաց ՄՍԾ աշխատակիցների համար

«ՀՀ աշխատաշուկայում 30-40 տարեկան կանանց վերաինտեգրման մեխանիզմները» թեմայով դասընթացի շրջանակում ՄՍԾ տարբեր տարածքային կենտրոնների ավելի քան երկու տասնյակ մասնակիցներ հնարավորություն ունեցան ոլորտի առաջատար հետազոտողների հետ քննարկելու գենդերային կարծրատիպերը և աշխատավայրում դրանց հաղթահարման հնարավորությունները։ Նրանք ձեռք բերեցին արդյունավետ հաղորդակցության և կոնֆլիկտների կառավարման հմտություններ՝ բարձրացնելով իրենց մասնագիտական դիմակայությունը։

ԵՊՀ ժողովրդագրական հետազոտությունների  և կրթության կենտրոնի տնօրեն Տիգրան Գասպարյանը մեծապես արժևորեց ՄՍԾ աշխատակիցների աշխատանքը և ընդգծեց այսօրինակ կրթական նախաձեռնությունների շարունակականության ապահովման կարևորությունը։

Դասընթացն անցկացվել է «Ժողովրդագրական դիմակայունություն․ կանանց կարողությունների և ընտրության հնարավորությունների ընդլայնում տվյալահենք քաղաքականության միջոցով» ծրագրի շրջանակում, որն իրականացվում է ՄԱԿ-ի բնակչության հիմնադրամի (UNFPA) կողմից և ֆինանսավորվում է Միացյալ Թագավորության կառավարության կողմից՝ միջազգային զարգացման աջակցության շրջանակում։