Գեոցուցակագրող

Ընդհանուր պարտականություններ

• լիարժեք մասնակցել նախատեսված ուսուցմանը և գործնական աշխատանքներին,
• ուսումնասիրել և խստորեն հետևել ԲԿՀ ցուցակագրման և քարտեզագրման
  ուղեցույցին, ընթացակարգերին և հրահանգներին,
• ճիշտ օգտագործել պլանշետները, թվային քարտեզները, GPS-ը և ցուցակագրման
  համար նախատեսված հավելվածը,
• աշխատել հանձնարարված հաշվային տեղամասի/կլաստերի սահմաններում և
  ապահովել դրա ամբողջական աշխարհագրական ծածկույթը,
• ճշգրիտ նույնականացնել, քարտեզագրել և/կամ ստուգել շինությունները, բնակելի
  միավորները և տնային տնտեսությունները,
• հետևել մեծ, փոքր կամ այլ առանձնահատուկ հաշվային տեղամասերի համար
  սահմանված ընթացակարգերին,
• ապահովել հավաքված տեղեկատվության ամբողջականությունը,
  հետևողականությունն ու ճշգրտությունը,
• սահմանված կարգով համաժամանակացնել դաշտում հավաքված տվյալները
  կենտրոնական սերվերի հետ,
• պատշաճ կերպով պահպանել տրամադրված պլանշետներն ու այլ սարքավորումները
  և անհապաղ հայտնել տեխնիկական կամ սարքավորումների հետ կապված
  խնդիրների մասին,
• կանոնավոր կապ պահպանել համակարգողի հետ և ժամանակին տեղեկացնել
  դաշտում առաջացած խնդիրների մասին,
• պահպանել գաղտնիության, մասնագիտական վարքագծի, տվյալների
  պաշտպանության և ԲԿՀ դաշտային աշխատանքների այլ պահանջները։

Գեոցուցակագրողների պարտականություններ

• ապահովում են պլանշետի պատրաստվածությունը դաշտային աշխատանքի համար՝
ներառյալ քարտեզների և առաջադրանքների ներբեռնումն ու դրանց անցանց
հասանելիությունը,
• բազային քարտեզների միջոցով նույնականացնում և դաշտում ստուգում են
հանձնարարված կլաստերների սահմանները և անհրաժեշտության դեպքում
թարմացնում համապատասխան տեղեկատվությունը,
• իրականացնում են տեղամասի նախնական շրջայց՝ կլաստերի սահմանները ստուգելու
նպատակով, որից հետո սահմանված կարգով քարտեզագրում և ցուցակագրում են
տարածքում գտնվող շինություններն ու համապատասխան միավորները,
• սահմանված հրահանգներին համապատասխան համակարգված կերպով
ցուցակագրում են կլաստերի բոլոր շինությունները և դրանցում գտնվող
համապատասխան միավորները, ինչպես նաև տնային տնտեսություններին և մինչև
5տ․ երեխաների առկայությունը,
• սահմանված կանոնների համաձայն գրանցում են GPS կոորդինատները,
• նույնականացնում են համապատասխան կողմնորոշիչները՝ դպրոցներ,
բուժհաստատություններ, պաշտամունքի վայրեր և այլն,
• անհրաժեշտության դեպքում նշում են բազային քարտեզում առկա, սակայն փաստացի
այլևս գոյություն չունեցող շինությունները,
• գրանցում են բացակայող հասցեների և այլ առանձնահատուկ դեպքերի վերաբերյալ
անհրաժեշտ դիտարկումները,
• ապահովում են, որ որևէ շինություն բաց չթողնվի կամ կրկնակի չգրանցվի,
• մեծ հաշվա տեղամասերի դեպքում սուպերվայզերի հետ համատեղ իրականացնում են
սեգմենտավորում,
• սահմանվածից քիչ թվով տնային տնտեսություններ ունեցող փոքր հաշվառման
տեղամասերի դեպքում անհապաղ տեղեկացնում են սուպերվայզերին՝ միավորման
անհրաժեշտ գործընթացը նախաձեռնելու համար,

• անհրաժեշտության դեպքում կատարում են լուսանկարահանում կամ գրառումներ՝
  քարտեզագրման և որակի ապահովման նպատակով,
• պլանշետի կամ հավելվածի հետ կապված՝ աշխատանքը շարունակելուն խոչընդոտող
  խնդրի դեպքում անհապաղ տեղեկացնում են սուպերվայզերին և, համապատասխան
  ցուցման դեպքում, շարունակում աշխատանքը պահուստային պլանշետով,
• առնվազն օրական մեկ անգամ համաժամանակացնում են տվյալները կենտրոնական
  սերվերի հետ,
• դաշտում առաջացած խնդիրների մասին տեղեկացնում են սուպերվայզերին և հետևում
  նրա ցուցումներին։