«Արհեստական բանականություն» դասավանդող մասնագետ

Վերջնաժամկետ՝

28 Հուլիս 2025

Կատեգորիա՝

Աշխատանք

Հայաստանի գիտության և տեխնոլոգիաների հիմնադրամ (FAST)

Հիմնական պարտականություններ

Հայաստանի գիտության և տեխնոլոգիաների հիմնադրամը (FAST) արդեն 3 տարի է՝ իրականացնում է «Արհեստական բանականության (ԱԲ) սերունդ» դպրոցական ծրագիրը, որի նպատակն է ստեղծել ԱԲ ոլորտում հետազոտողի և նորարարի ողջ կրթական ուղին դպրոցից մինչև դոկտորական մակարդակ։ Սերտորեն համագործակցելով դպրոցի ինֆորմատիկայի ուսուցչի հետ՝ Դուք կմշակեք ուսուցման արդյունավետ մեթոդներ և կդասավանդեք մեքենայական/խորը ուսուցման վերաբերյալ դասընթացներ ավագ դպրոցի աշակերտներին՝ օգտագործելով FAST-ի ուսումնական ծրագիրը և նյութերը: Հիմնական պարտականություններն են․

· Ուղղորդել աշակերտներին և հանդես գալ նրանց համար որպես մենթոր՝ հնարավորություն տալով նրանց ուսումնասիրել մեքենայական ուսուցման և/կամ խորը ուսուցման գործնական կիրառությունները իրական աշխարհում։

· Մասնակցել FAST-ի կողմից կազմակերպված, մանկավարժական և ուսումնական ծրագրին առնչվող վերապատրաստման (օգոստոսին ու դեկտեմբերին) և մենթորության ծրագրին՝ ուսումնական ծրագրի արդյունավետ իրականացումն ապահովելու համար։

· Համագործակցել դպրոցի ինֆորմատիկայի ուսուցչի հետ՝ համապատասխան դասավանդման մեթոդաբանություն մշակելու համար՝ ներառյալ դասի պլանները, առաջադրանքները և նախագծերը։

· Օգտագործելով FAST-ի ուսումնական ծրագիրը, հարթակը և ուսումնական նյութերը՝ ավագ դպրոցի աշակերտների համար անցկացնել գրավիչ և ինտերակտիվ մեքենայական ուսուցման և/կամ խորը ուսուցման դասընթացներ՝ հետևյալ ժամաքանակով (մեկ դասարանի համար)՝ 11-րդ դասարան, 1-ին և 2-րդ կիսամյակ՝ շբթ․ 3 դ/ժ, 10-րդ դասարան, 2-րդ կիսամյակ, շբթ․ 2 դ/ժ։

· Ստեղծել աջակցող և ներառական ուսումնական միջավայր, որը խրախուսում է աշակերտների մասնակցությունը և համագործակցությունը։

· Համակարգել և նպաստել աշակերտների ներգրավվածությանը քննություններին և արտադասարանական գործունեությանը։ · Ակտիվորեն ներգրավվել «ԱԲ սերունդ» ծրագրի համայնքում։

· Համագործակցել FAST-ի թիմի և փորձագետների հետ՝ տրամադրելով հետադարձ կապ` աշակերտների նվաճումների և ուսումնական ծրագրի/ռեսուրսների բարելավումների վերաբերյալ։

Պահանջվող որակավորումները

Մասնագիտական պահանջներ

Մեքենայական ուսուցման ծրագիր

Մեքենայական ուսուցման հիմնական հասկացությունների և ալգորիթմների խորը իմացություն։
Python-ի և Python-ում առարկայակողմնորոշված (OOP) ծրագրավորման գիտելիքներ։
NumPy, Scikit Learn և Matplotlib գրադարանների լավ իմացություն։ Pandas-ի իմացությունը կդիտարկվի որպես առավելություն։
Google Colab և Jupyter նոթատետրերին ծանոթություն։
Մեքենայական ուսուցման հասկացությունների դասավանդումը հեշտացնելու համար կրթական գործիքներ և հարթակներ օգտագործելու ունակություն (օրինակ՝ ցուցադրությունների (demo) անցկացում)։
Ճկունություն և հարմարվողականություն՝ ուսուցման մեթոդները ուսանողների կարիքներին և մեքենայական ուսուցման զարգացող ոլորտին համապատասխանեցնելու համար։

Խորը ուսուցման ծրագիր

Մեքենայական ուսուցման հիմունքների և նեյրոնային ցանցերի հիմունքների խորը իմացություն։
Տարբեր նեյրոնային ցանցերի ճարտարապետությունների հետ աշխատելու փորձ, ինչպիսիք են բազմաշերտ ընկալիչները, կոնվոլյուցիոն ցանցերը, կրկնվող ցանցերը, տրանսֆորմերները։
Բնական լեզվի մշակման և լեզվի մոդելավորման հիմունքների ծանոթություն։
Python-ի և Python-ի առարկայակողմնորոշված (OOP) ծրագրավորման հիմունքների իմացություն։
Pytorch, Tensorflow, NumPy, Scikit Learn և Matplotlib գրադարանների լավ իմացություն։
Մեքենայական ուսուցման հասկացությունների դասավանդումը հեշտացնելու համար կրթական գործիքներ և հարթակներ օգտագործելու ունակություն (օրինակ՝ ցուցադրությունների (demo) անցկացում)։

Հիմնական պահանջներ

բակալավրի աստիճան STEM կամ հարակից ոլորտներում,
պատկերացում հանրակրթական համակարգի վերաբերյալ (կդիտվի որպես առավելություն),
աշակերտներին/ուսանողներին դասավանդելու կամ որպես մենթոր ուղղորդելու փորձ (նախընտրելի է ավագ դպրոցի տարիքի աշակերտներ)՝ հատկապես տեղեկատվական տեխնոլոգիաների հետ կապված ոլորտներում (խիստ ցանկալի է),
մանկավարժական կրթություն (կդիտվի որպես առավելություն),
հաղորդակցման և միջանձնային հմտություններ՝ ավագ դպրոցի աշակերտներին արդյունավետորեն ներգրավելու և մոտիվացնելու համար,
անգլերենի լավ իմացություն։

Դասավանդվող թեմաների մանրամասն ցանկը՝ այստեղ։

Այլ տեղեկատվություն

Դասավանդման ժամաքանակը (մեկ դասարանի համար)՝

- 11-րդ դասարան, 1-ին և 2-րդ կիսամյակ՝ շբթ․ 3 դ/ժ
- 10-րդ դասարան, 2-րդ կիսամյակ, շբթ․ 2 դ/ժ

Ցանկացողները պետք է լրացնեն հետևյալ հարցումը՝ կցելով իրենց ինքնակենսագրականը:

Ավելին՝ https://fast.foundation/en/careers_inner/7607