Արի՛ ԵՊՀ մանկավարժության և կրթության զարգացման կենտրոն

ԵՊՀ մանկավարժության և կրթության զարգացման կենտրոնում տեղի ունեցավ տեղեկատվական հանդիպում, որի շրջանակում ներկայացվեցին «Կրթության կազմակերպում» մագիստրոսական կրթական ծրագրի հնարավորություններն ու հեռանկարները։

Հանդիպման շրջանակում քննարկվեցին հետևյալ հարցերը.

• ի՞նչ է կրթության կազմակերպումը, ինչո՞ւ ընտրել այս մասնագիտությունը,

• ի՞նչ դասընթացներ են ուսումնասիրվում  «Կրթության կազմակերպում» մագիստրոսական կրթական ծրագրի շրջանակում,

• ինչպիսի՞ն է մագիստրոսի կյանքը ԵՊՀ-ում,

• ինչպե՞ս դիմել. քայլ առ քայլ՝ հստակ և հասանելի։

Տեղեկատվական հանդիպման մասնակիցները հնարավորություն ունեցան իրենց հետաքրքրող հարցերն ուղղելու ԵՊՀ մանկավարժության և կրթության զարգացման կենտրոնի պրոֆեսորադասախոսական անձնակազմի ներկայացուցիչներին։