ՕՀՀ երկրաբանություն և հետախուզում

Ընդունելության պահանջները

Ընդունելության քննությունն անցկացվում է բանավոր՝ ըստ ընդունելության քննության համար նախատեսված հարցաշարի: Հարցաշարը տեղադրված է «Ընդունելություն» բաժնում:

Ծրագրի նպատակը

Ծրագրի նպատակն է՝

• տրամադրել համակողմանի գիտելիքներ օգտակար հանածոների հանքավայրերի երկրաբանակառուցվածքային առանձնահատկությունների ուսումնասիրության, օգտակար հանածոների որոնման և հետախուզման, հանքային մարմինների մոդելավորման և պաշարների տեխնիկա-տնտեսագիտական գնահատման վերաբերյալ,

• զարգացնել կարողություններ տեղեկատվական տեխնոլոգիաներով (MicroMine,AutoCAD, Surfer, GIS) մասնագիտական տարատեսակ խնդիրների լուծման համար։  

Առավելությունները

Ծրագիրը պատրաստում է բարձրորակ մասնագետներ, որոնք ունակ կլինեն ստացված գիտելիքները կիրառելու տարածքների երկրաբանակառուցվածքային ուսումնասիրություններում և կատարելու հեռանկարային տեղամասերի առանձնացում, որոնք հետագայում կներառվեն որոնողահետախուզական աշխատանքներում։ Նրանք կկարրողանան օգտագործել ստացած գիտելիքները հանքային օբյեկտների թվայնացման և պաշարների հաշվարկման ժամանակ, ինչը հնարավորություն կտա գնահատելու հանքավայրերը և առաջարակելու որպես տնտեսաական գործունեության համար միավոր, ինչպես նաև տիրապետելու Ընդերքի մասին օրենքին և օրենսդրական ակտերին՝ նախագծերը գրագետ մշակելու և պատկան մարմիններին ներկայացնելու համար։

Կարիերայի հնարավորությունները

Ծրագրի շրջանավարտները դառնում են մագիստրոսներ երկրաբանության ոլորտում, ինչը հնարավորություն կտա նրանց բարձր աշխատավարձով աշխատելու և զբաղեցնելու ղեկավար պաշտոններ երկրաբանահետախուզական, հանքավայրեր շահագործող մասնավոր ձեռնարկություններում («Զանգեզուրի պղնձամոլիբդենային կոմբինատ» ՓԲԸ, «Ամուլսար» ՓԲԸ, Կապանի լեռնահարստացման կոմբինատ և այլն), ինչպես նաև ոլորտին առնչվող պետական մարմիններում՝ ՀՀ տարածքային կառավարման և ենթակառուցվածքների, շրջակա միջավայրի նախարարությնում, երկրաբանական ֆոնդերում, մարզպետարաններում և այլն։ 

Մագիստրոսները կարող են իրենց կարիերան շարունակել նաև գիտության ոլորտում, մասնավորապես՝ ՀՀ ԳԱԱ երկրաբանական գիտությունների ինստիտուտում, Երևանի պետական համալսարանում, ինչը հնարավորություն կտա հավակնելու գիտական աստիճանի և ներառված լինելու միջազգային և ներպետական տարբեր ծրագրերում։