Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. համակողմանիորեն լուսաբանել և ձևակերպել մակերևութային և ստորգետնյա քարտեզագրման հիմունքները, լեռնային փորվածքների և հորատանցքերի փաստագրման և նմուշարկման արդյունքների մշակման եղանակներն ու սկզբունքները, հետազոտման երկրաբանա­կառուցվածքային մեթոդները,
   2. սահմանել և հիմնավորել հանքավայրերի շահագործման ընթացքում երկրաբանա­հետախուզական աշխատանքների կատարման առանձնահատկությունները և նրանց նկատմամբ ներկայացվող պահանջները, օգտակար հանածոների պաշարների և կանխատեսումային ռեսուրսների ուրվագծման, հաշվարկման ու գնահատման եղանակները,
   3. ինքնուրույնաբար ընտրել մետաղական ու ոչ մետաղական և տեխնածին հանքավայրերի արդյունաբերական տիպերը, բացատրել հանքավայրերի դասակարգման և մոդելավորման սկզբունքները,
   4. հիմնավորել հանքավայրերի տնտեսագիտական գնահատականը` հանքավայրերի իրացման երկրաբանատնտեսագիտական արժեքի և ներդրումների արդյունավետության գնահատումը,
   5. մանրամասն բնութագրել և մեկնաբանել տարածաշրջանների հանքահումքային հենքի գնահատման սկզբունքները, ընդերքօգտագործման նկատմամբ ներկայացվող բնապահպանական պահանջները,
   6. սահմանել և քննարկել ընդերքօգտագործման իրավագիտական հիմունքները, հարկավորման սկզբունքները, երկրաբանահետախուզական և արդյունահանող ձեռնարկությունների մենեջմենթի առանձնահատկությունները,
   7. ճանաչել և ներկայացնել արդյունաբերության միներալահումքային բնագավառի գործունեության առանձնահատկությունները, հանքային հումքի արդյունահանման համակարգերն ու հանքաքարերի վերամշակման տեխնոլոգիաները:
2. Գործնական մասնագիտական կարողություններ
   1. կազմել հանքավայրերի և հանքային դաշտերի տարատեսակ երկրաբանական քարտեզներ, հետախուզական հորիզոնների երկրաբանական հատակագծեր, կտրվածքներ ու նմուշարկման պլաններ,
   2. ինքնուրույնաբար կատարել հանքավայրերի, հանքային մարմինների ուրվագծում, պաշարների հաշվարկ և երկրաբանատնտեսագիտական գնահատում,
   3. մշակել և կառուցել երկրաբանական համալիր գրաֆիկական եռաչափ մոդելներ,
   4. օգտագործել անհրաժեշտ տեղեկատվական համակարգերն ու տեխնոլոգիաները մասնագիտական ոլորտում բարդ խնդիրներ լուծելու, ելակտեային տվյալներ վերլուծելու և հավաստի եզրահանգումներ կատարելու համար,
   5. վերլուծել ուսումնասիրվող տարածքների մետաղաբերությունը և գնահատել հանքայնացման հեռանկարները,
   6. համակողմանիորեն վերլուծել տարածքների հանքահումքային հենքի իրավիճակը, նրանց ընդլայնման հնարավորությունները, հանքահումքային ոլորտի զարգացման ուղիները, ընդերքօգտագործման իրավագիտական նորմերը,
   7. ընդհանրացնել, վերլուծել հանքավայրերի, հանքային դաշտերի ու հանգույցների երկրաբանակառուցվածքային առանձնահատկությունները և անցկացնելու հանքային օբյեկտների փորձաքննություն,
   8. խորը և հիմնավորված մշակել առաջարկություններ երկրաբանահետախուզական և լեռնահանքային արդյունաբերության ոլորտի աշխատանքների արդյունավետությունը բարձրացնելու համար:
3. Ընդհանրական (փոխանցելի) կարողություններ
   1. սինթեզել եղած փաստերն ու տեղեկատվությունը,
   2. ստեղծագործաբար կիրառել ձեռք բերած գիտելիքները և քանակական տվյալներից անել որակական եզրահանգումներ,
   3. առաջադրել և զարգացնել նոր գաղափարներ, վարել գիտական բանավեճեր,
   4. մշակել և պատրաստել նախագծեր, հաշվետվություններ ու զեկուցումներ, ներկայացնել հետազոտությունների արդյունքներ,
   5. աշխատել և՛ թիմում, և՛ ինքնուրույն, կազմակերպել և առաջնորդել աշխատանքային թիմը, ցուցաբերել աշխատանքի բարձր արդյունավետություն: