Միջազգային միջգիտակարգային գիտաժողով՝ նվիրված կայուն զբոսաշրջությանը

Աշխարհագրություն, երկրաբանություն, կենսաբանություն, հնագիտություն, տնտեսագիտություն, պատմություն, իրավունք, մարքեթինգ և հարակից այլ գիտությունների մասնագետներին, հետազոտողներին հրավիրում ենք մասնակցելու «Խոցելիությունից դեպի հարմարվողականություն. կայուն զբոսաշրջությունը՝ որպես տարածքային դիմակայունության լծակ» խորագրով միջազգային գիտաժողովին, որը տեղի կունենա Գորիսում 2026 թ. մայիսի 26–27-ը։

Գիտաժողովը նպատակ ունի քննարկելու ժամանակակից զբոսաշրջության զարգացման առանցքային մարտահրավերները՝ շեշտադրելով էկոտուրիզմի, գեոտուրիզմի և պատասխանատու զբոսաշրջության դերը տարածքային կայունության, համայնքների զարգացման և բնական ժառանգության պահպանության գործում։

Հիմնական թեմաներն են`

1. Էկոտուրիզմ և զբոսաշրջային առաջարկների բազմազանություն,
2. Էկոտուրիզմ և տեղական ինքնակառավարման ամրապնդում,
3. Էկոտուրիզմ և քաղաքացիական հասարակություն (ՀԿ-ներ, ասոցիացիաներ, կոոպերատիվներ և այլն),
4. Էկոտուրիզմ և շարժունություն,
5. Գեոտուրիզմ և բնության պահպանություն,
6. Կրթություն և շրջակա միջավայրի հարցերի վերաբերյալ իրազեկվածության բարձրացում,
7. Խելացի տեխնոլոգիաներ, նորարարություններ և կայուն զբոսաշրջության ապագան:

Ներկայացումների առաջարկությունները (250 բառ)՝ ֆրանսերեն և անգլերեն, ուղեկցված հեղինակների հակիրճ ինքնակենսագրականով (առավելագույնը 150 բառ), պետք է ուղարկվեն ոչ ուշ, քան 2026 թվականի մարտի 10-ը։ Գիտական կոմիտեն ընտրված առաջարկների ընդունման մասին մասնակիցներին կտեղեկացնի մինչև 2026 թվականի մարտի 15-ը։ Այնուհետև մասնակիցները կկարողանան գրավոր հաստատել իրենց մասնակցությունը մինչև 2026 թվականի ապրիլի 1-ը։

Աշխատանքային լեզուներն են հայերենը, անգլերենը, ֆրանսերենը։

Հայտերն անհրաժեշտ է ուղարկել՝

*միջազգային մասնակիցների համար՝ Գարիկ Գալստյանին (garik.galstyan@univ-lille.fr),

*հայ մասնակիցների համար՝ Գարիկ Գալստյանին (garik.galstyan@univ-lille.fr), Նաիրա Սաֆարյանին (nairasaf66@gmail.com) (luizavardanyan211@gmail.com):

Մասնակցության վճար՝ 15.000 ՀՀ դրամ (հայ մասնակիցների համար)։

Գիտաժողովը համահունչ է ՄԱԿ-ի «2030 օրակարգին» և «COP 17»-ի նպատակներին և միտում ունի խթանելու տարածքային կայուն և պատասխանատու զարգացումը։

 

Գիտաժողովի մանրամասները հասանելի կլինեն հետևյալ հղումով: